មនុស្ស​ជិត​៥០​នាក់​ស្លាប់​ដោយសារ​ពុល​ស្រា​នៅ​ប្រទេស ម៉ិ​ក​ស៊ិ​ក​

ប៉ូលិស​ក្នុងប្រទេស​មិ​ក​ស៊ិ​ក​កំពុង​ស្វែងរក​ប្រភព​នៃ​ស្រា​ក្លែងក្លាយ​ដែល​បានសម្លាប់​មនុស្ស​ចំនួន​៤៦​នាក់​នៅ​រដ្ឋ Morelos និង Puebla​។​

​ប្រជាជន​បានចាប់ផ្តើម​ធ្លាក់ខ្លួន​ឈឺ​កាលពី​ថ្ងៃអាទិត្យ​។​

​អ្នកខ្លះ​និយាយថា ពួកគេ​បាន​ទិញ​ស្រា​ហើយ​ផឹក​ដើម្បី​អបអរ​ទិវា​មាតា​ពិភពលោក​។ អ្នកផ្សេង​ទៀត​បាន​ចូលរួម​ក្នុង​ពិធី​បុណ្យសព​មួយ​ដែល​ស្រា​ត្រូវបាន​គេ​ចែក​ឲ្យ​ផឹក​។​

​អាជ្ញាធរ​បាន​ព្រមាន​ដល់​អ្នក​ដែល​បាន​ផឹកស្រា​ពុល​នេះ​និង​អ្នក​ដែលមាន​អាកា​រៈ​ឈឺក្បាល​ឬ​ឈឺពោះ​ឲ្យ​ទៅ​មន្ទីរពេទ្យ​ជាបន្ទាន់​។​

​ក្រុមមន្ត្រី​បាន​និយាយថា មនុស្ស​ចំនួន​២៩​នាក់​បាន​ស្លាប់​នៅ​រដ្ឋ Morelos ភាគ​កណ្តាល​និង​១៧​នាក់​ផ្សេងទៀត​នៅក្នុង​រដ្ឋ Puebla ដែល​ស្ថិតនៅ​ជិតគ្នា​។​

​អ្នកស្រុក​បាន​និយាយថា ស្រា​ត្រូវបាន​ដាក់លក់​នៅ​តង់​ផ្សេងៗ​ក្នុង​ពិធី​នេះហើយ​ក្រុម​អ្នកស៊ើប​អង្កេត​ត្រូវបាន​បញ្ជូនទៅ​ភូមិ​ដែល​រងគ្រោះ​ដើម្បី​ស្វែងរក​ប្រភព​របស់​វា​៕


Related posts

Leave a Comment