ម៉េច​ចឹ​ង​! អ្នកជំងឺ COVID-19 នៅ​ឥណ្ឌូនេស៊ី​រត់​ឱប​អ្នកជិតខាង​ដើម្បី​ចម្លងរោគ​

បុរស​វ័យ​៤០​ឆ្នាំ​ម្នាក់​ឈ្មោះ AR ដែល​ធ្វើតេស្ត​វិជ្ជមាន​ជំងឺ COVID-19 បាន​បង្ក​ឲ្យ​មាន​ភាពច្របូកច្របល់​នៅពេល​គាត់​បដិសេធ​ទៅ​មន្ទីរពេទ្យ​ជាមួយ​ក្រុមគ្រូពេទ្យ​ហើយ​បាន​ចាប់​ឱប​អ្នកជិតខាង​របស់គាត់​នៅ​ទីក្រុង Tasikmalaya ក្នុង​ខេត្ត​ជ្វា​ខាងលិច​។​

AR ខឹងសម្បា​យ៉ាងខ្លាំង​នៅពេល​ក្រុមគ្រូពេទ្យ​ចូល​ទៅយក​គាត់​នៅផ្ទះ​របស់គាត់​ក្នុង​សង្កាត់ Empangsari កាលពី​ថ្ងៃ​សុក្រ​។ គាត់​បាន​ផ្ទុះ​កំហឹង​នៅពេល​អ្នកជិតខាង​ទាញ​ទូរស័ព្ទ​ថត​ហេតុការណ៍​នេះ​។​

​គាត់​បាន​រត់​សំដៅទៅ​អ្នកជិតខាង​ហើយ​ឱប​គេឯង​ក្នុង​គោលបំណង​ចម្លងរោគ​។​

​គេហទំព័រ Kompas.com បាន​រាយការណ៍​កាលពី​ថ្ងៃ​សុក្រ​ថា បុរស​នោះបាន​ស្រែកថា “​តើ​អ្នកមើល​អី​? ខ្ញុំ​នឹង​ឱប​អ្នក​ទាំងអស់គ្នា​ហើយ​អ្នកនឹង​ត្រូវបាន​គេ​តាមដាន​ឃ្លាំមើល​”​។​

​ទោះបីជា​យ៉ាងណាក៏ដោយ នៅ​ទីបញ្ចប់ បុគ្គលិក​ពេទ្យ​បាន​ព្យាយាម​បញ្ចុះបញ្ចូល AR ឲ្យ​ទៅ​មន្ទីរពេទ្យ​ហើយ​ដាក់​នៅ​ដាច់ដោយឡែក​ពី​គេ​។​

​គួរ​បញ្ជាក់ថា ករណី​ជំងឺ COVID-19 នៅ​ប្រទេស​ឥណ្ឌូនេស៊ី​គិត​ត្រឹម​ពេលនេះ​គឺមាន​១៧,០២៥​ករណី​ដោយមាន​អ្នកស្លាប់​ចំនួន​១,០៨៩​នាក់​និង​អ្នកជា​សះស្បើយ​៣,៩១១​នាក់​៕


Related posts

Leave a Comment