ភ្នំពេញ ៖ ចំណងស្នេហារវាងតារាស្រី ឌី សីនីតា និងតារាប្រុសលោក អេឡិច ហ្សូរ៉ា ពេលនេះកាន់តែទ ទួលបានការគាំទ្រ និងសរសើរខ្លាំងពីទស្សនិកជនក្រោយពេលសម្ពន្ធភាពស្នេហាពួកគេកាន់តែរឹងមាំ និងបានកូនម្នាក់ជាចំណងដៃនោះ។
ជាក់ស្ដែងពេលនេះ ឌី សូនីតា មិនត្រឹមតែធ្វើឲ្យអ្នកគាំទ្រសរសេរនោះទេ គឺមានមួយចំនួនទៀតកំពុងច្រណែនសេចក្តីសុខអ្នកទាំងពីរទៀតផង។ ម្យ៉ាង ទៀតពេលនេះ ឌី សូនីតា ក៏បានបញ្ចេញសាររៀបរាប់អត្ថន័យស្នេហាយ៉ាងស៊ីជម្រៅជាមួយលោក ចន អេឡិចហ្សូរ៉ា ផងដែរ។
អ្នកនាង ឌី សូនីតា បានបង្ហោះរូបភាពមួយសន្លឹក ដោយបានទម្លាយរឿងក្នុងចិត្តថា កុំសួរថាខ្ញុំកំពុងគិតអីបង ប្អូន ព្រោះខ្ញុំក៏មិនដឹងដូចគ្នា អរគុណកាមេរ៉ាមេន ដែលបានចាប់យករូបភាពមួយនេះយ៉ាងមានអត្ថន័យ សំណាបយោងដីស្រីយោងប្រុសអរគុណបង ដែលមិនលែងដៃខ្ញុំទោះខ្ញុំកាចតិចមែនឆេវឆាវតិចមែន ខឹងច្រើនតិចមែន តែបងក៏ទទួលបានគ្រប់យ៉ាងហើយស្គាល់ និងយល់ពីខ្ញុំច្បាស់។
តារាស្រីឌី សូនីតា បានបន្តទៀតថា ធាតុពិតទៅពួកយើងមិនសូវចេះផ្អែមល្ហែមតិចមែន មិនដែលឈ្លោះគ្នាមែន មិនសូវមានពេលអោយគ្នាមែន តែពួកយើងក៏មិនដែលចោលគ្នាមិនដែលបោះបង់គ្នាបងតែងតែនៅពីក្រោយខ្ញុំមិនថាពេលទុក្ខពេលរីករាយពេលមានបញ្ហាបងជាមនុស្សទី១ ដែលខ្ញុំចែករំលែក គ្រប់យ៉ាងនៃខ្ញុំបងសឹងតែជា ឌី សូនីតាទី២ទោះបីមានគេចា ក់រុក ឬក៏និយាយអ្វីមិនល្អមកលើពួកយើងក៏ពួកយើងបានត្រឹមតែញញឹមហើយយកមកប្រាប់គ្នាទាំងអស់សំណើចក៏មាន។
ពេលខ្លះបើគិតអោយសព្វទៅពួកយើងសឹងតែ ដូចមិត្ត ដូចបងប្អូន ដូចឪពុកម្តាយ ដូចមនុស្សជាច្រើននៅក្នុងខ្លួនពួកយើងមនុស្ស ដែលយល់ចិត្តគ្នាបំផុតអរគុណណាស់ពូ ដែលចូលមកក្នុងជីវិតខ្ញុំ។នេះជាការលើកឡើងបន្ថែមរបស់អ្នកនាង ឌី សូនីតា។ មហាជនជាច្រើនកំពុងសរសើរចំណងស្នេហានិងសុភមង្គលរបស់តារាប្រុសស្រីទាំង២រូបនេះ៕
