ក្រោយ​រង​ការរិះគន់​ខ្លាំង​រឿង​លើក​លោក​ព្រាប សុវត្ថិ ហើយ​បង្អាប់​តារា​ដទៃ​នោះ​ Galaxy Navatra​ក៏​សម្រេច​ធ្វើ​រឿង​មួយ​នេះ​ភ្លាម

កាលពី​ថ្ងៃទី​១៨ ខែកុម្ភៈ ឆ្នាំ​២០២១ ម្សិលមិញ​នេះ ផលិតកម្ម​Galaxy Navatra​តាមរយៈ​ផេ​ក​ផ្លូវការ​របស់ខ្លួន បាន​លើក​សរសើរ​កំពូល​តារា​ចម្រៀង​លោក​ព្រាប សុវត្ថិ ហើយ​បង្អាប់​តារា​មួយចំនួនទៀត ជាហេតុ​ធ្វើ​ឲ្យ​មានការ​រិះគន់​យ៉ាងខ្លាំង។

ផលិតកម្ម​ដ៏​ល្បី​មួយ​នេះ បាន​ស្ក្រី​នស​តបទ​ល្បី​របស់​លោក​ព្រាប សុវត្ថិ យក​មក​បង្ហោះ ភ្ជាប់​ជាមួយ​សារ​លើក​សរសើរ បែបនេះ​ថា «​ស៊េរី​ចាស់​កុំ​ចង់​លេង ចង់​រ៉េ​ប ឬ​ចេញ​ច្រក​ណា ទប់​បាន​ម៉ា​ស្រឡាញ់ កំពូល​តារាចម្រៀង ព្រាប សុវត្ថិ លេង​ធ្ងន់ៗ​ឈឺ​តែម្តង បី​សប្តាហ៍​ល្បី​ដល់​ទៅ​៨​បទ វា​គឺជា​ប្រវត្តិសាស្ត្រ​ក្នុង​វិស័យ​ចម្រៀង ដែល​មិនទាន់មាន​អ្នកណា​អាចធ្វើ​បាន​។

ខុសប្លែក​ពី​តារា​ខ្លះ​ល្បី​មួយ​បទ អង្គុយ​អង្អែល ក្អេងក្អាង លោក ព្រាប សុវត្ថិ ដាក់​ម្ដង​ល្បី ៨ បទ ផ្ទុះ​ទាំងអស់​ឲ្យ​ស្គាល់​ស៊េរី​ចាស់ តែ​បី​សប្តាហ៍​មាន​អ្នក​ចូល​ទស្សនា​ជាង​២០​លាន​ដង​»​។​

តាមរយៈ​នេះ មាន​អ្នកលេង​បណ្ដាញ​សង្គម​ហ្វេ​ស​ប៊ុ​ក​ជាច្រើន បាន​សម្ដែង​មតិ​ធ្វើការ​រិះគន់​ឥត​សំចៃ ចំពោះ​ការ​បង្ហោះ​លើក​តារា​របស់ខ្លួន ហើយ​បែរជា​ទៅ​បង្អាប់​តារា​ដទៃ​នោះ ប៉ុន្តែ​ពួកគេ​ភាគច្រើន មិន​បន្ទោស​ទាំងស្រុង​ទៅលើ​ផលិតកម្ម​នោះឡើយ ដោយ​ពួកគេ ធ្វើការ​បន្ទោស​ទៅលើ​អ្នក​កាន់​ផេ​ក​ផ្លូវការ​របស់ខ្លួន​នោះ​ថា ក្មេង​អ្នក​កាន់​ផេ​ក មាន​អំនួត ជាដើម​។​

ក្រោយពី​ការរិះគន់​ច្រើន​ពី​មហាជន​, ផលិតកម្ម​Galaxy Navatra នៅ​ថ្ងៃ​ដដែល​នោះ ក៏​សម្រេច​លុប ការ​បង្ហោះ​នេះ​ចោល​វិញ​។ ជាការ​ពិតណាស់​ការលើក​លោក​ព្រាប សុវត្ថិ ជា​រឿង​មិន​ខុស​នោះឡើយ ដោយសារតែ​បទ​របស់​កំពូល​តារា​ចម្រៀង​រូបនេះ​ចេញ​ច្រើន ហើយ​សុទ្ធតែ​មានការ​ចាប់អារម្មណ៍ គាំទ្រ​លើសលប់ ពិតមែន ប៉ុន្តែ​ការ​ទៅ​បង្អាប់​តារា​ផ្សេងទៀត​នោះ វា​មិនមែន​ជា​រឿង ដែល​មហាជន រីករាយ​នោះ​ឡើយ៕

Related posts

Leave a Comment