ចម្រៀងមួយបទមានចំណងជើងថា «បុប្ផាស្វាយរៀង» ជាសំនៀងដើមរបស់អ្នកនាងហ៊ឹម ស៊ីវន ត្រូវបានលោក ជួប ច័ន្ទកក្កដា ហៅរ៉ូលីន លើកយកមកបកស្រាយ យ៉ាងពីរោះរណ្ដំ ធ្វើឲ្យអ្នកលេងបណ្ដាញសង្គមហ្វេសប៊ុកមានការចាប់អារម្មណ៍ជាខ្លាំង។
រ៉ូលីន បានច្រៀងបទនេះ ហើយយកមកបង្ហោះក្នុងទំព័រហ្វេសប៊ុករបស់ខ្លួន ឈ្មោះ«Rolin Miss PhotoCity» កាលពីព្រឹក ថ្ងៃទី១៣ ខែកុម្ភៈ ឆ្នាំ២០២១ ភ្ជាប់ជាមួយនឹងCaptionយ៉ាងខ្លីថា «រីករាយស្តាប់កម្សាន្តនូវបទចម្រៀង បុប្ផាស្វាយរៀង ចា៎»។
ក្រោយពីបង្ហោះគិតមកដល់ថ្ងៃទី១៩ ខែកុម្ភៈ ឆ្នាំ២០២១ មានរយៈពេលមិនដល់១សប្ដាហ៍ផង មានអ្នកចុចReactជាមេដៃ បេះដូង ជាដើម រហូតដល់ជាង១០ម៉ឺន, បញ្ចេញមតិជាង៣ពាន់ និងចែករំលែកបន្តជិត២ម៉ឺនដងឯណោះ។
ក្នុងចំណោមមតិជាង៣ពាន់នោះ ពួកគេ បានលើកឡើងថា «ពីរោះណាស់បង, ច្រៀងបានពីរោះណាស់ ក្មួយរ៉ូលីន, ពិតជាពីរោះណាស់! មិនសរសើរមិនបាន! ជូនពរអោយប្អូនមាន សុខភាពល្អ ពេញមួយជីវិតណា!, បងរ៉ូលីនច្រៀងបទហ៊ឹម ស៊ីវនបានពីរោះណាស់បង, ច្រៀងពីរោះណាស់អូន, ស្អាតហើយពីរោះទៀតប្អូនស្រីបងពេញចិត្ត, ច្រៀងបានពីរោះណាស់ប្អូនរ៉ូលីនបងពេញចិត្តបទនេះណាស់»។
«ច្រៀងពីរោះ តែទាល់តែពាក់វ៉ែនតាខ្មៅដូចមនុស្សខ្វាក់ភ្នែក, សំឡេងដូចដល់ហើយពិតជាពីរោះខ្លាំងណាស់ប្អូនប្រុស, ពីរោះបង តែបទចម្រៀងអ្នកបង ហ៊ឹម ស៊ីវន ភាគច្រើនតុង ខ្ពស់បន្តិច ត្រូវការរបត់សំឡេងដង្ហើមវែង និង អឿនវែង, ពិតជាពីរោះមែនសូមសរសើរដោយស្មោះ, ស្អាតហើយច្រៀងពីរោះទៀត, ពីរោះខ្លាំងណាស់ប្អូនប្រុស សំឡេងផ្អែម ស្តាប់១០០ដងក៏មិនធុញ»៕
