ដោយសារមានភ្លៀងធ្លាក់ខ្លាំងកាលពីថ្ងៃអាទិត្យទី២២ខែកញ្ញាឆ្នាំ២០១៩បានធ្វើឲ្យការប្រកួត រវាងកីឡាករប្រដាល់កម្ពុជាដៃភ្លើងជើងរន្ទះ រឿង សុភ័ណ្ឌ និងកីឡាករថៃកំពូលឌឺ អ៊ី ខ្យូសាំង ត្រូវលើកពេល។
សង្វៀនប្រដាល់គុនខ្មែរ ឯកភ្នំ បានបង្ហោះសារសុំអភ័យទោសចំពោះការខកខាននេះហើយដើម្បីជាការសងជំងឺចិត្ត ក្រុមហ៊ុនបានរៀបចំមហាព្រឹត្តិការណ៌ដ៏ធំមួយមិនធ្លាប់មានគឺធំជាងមុន ល្អមើលជាងមុននិងជក់ចិត្តជាងមុន។
សង្វៀននេះបានអញ្ជើញខ្លាកំណាចកម្ពុជា៣រូបមកប្រកួតក្នុងព្រឹត្តិការណ៍តែ១ពោលគឺការប្រកួតនឹងត្រូវរៀបចំធ្វើឡើងនៅថ្ងៃអាទិត្យទី១៣ខែតុលា២០១៩នេះដែលការប្រកួតទាំងអស់មាន៥ទឹក។
ការប្រកួតទាំងបីគូមាន រឿង សុភ័ណ្ឌ ប៉ះកីឡាករថៃ អ៊ី ខ្យូសាំង។ កែវ រំចង់ ប៉ះកីឡាករ ម៉ុងហ្គោលី Batjargal Sundui និង រិទ្ធិ ភូលូ ប៉ះកីឡាករអូស្ត្រាលី Albert Xavier៕
