លេង​មួយ​ទំហឹង! ខេ​ម និង​តន់ ចន្ទ​សី​ម៉ា ដាក់​មួយ​បទ​ទៀត ត​ពី​បទ​«​កំពូល​អ្នកជិតខាង​» ឌឺដង​ដល់​ហើយ សូម្បី​អ្នកនិពន្ធ​បទ​នេះ ក៏​​…(មានវីដេអូ)

ប្រិយមិត្ត​អ្នក​ស្នេហា​វិស័យ​សិល្បៈ ច្បាស់​ជា​បាន​ជ្រាប​រួចមកហើយ​ថា កាលពី​ថ្ងៃទី​១៨ ខែកុម្ភៈ ឆ្នាំ​២០២១​ម្សិលមិញ​នេះ ផលិតកម្ម​Galaxy Navatra​ទើបតែ​បញ្ចេញ​បទ​ចម្រៀង​មួយ​បទ មាន​ចំណងជើង​ថា «​កំពូល​អ្នកជិតខាង​» ជា​ការ​ចាប់​ដៃគូ​ច្រៀង​ឆ្លើយឆ្លង​រវាង​លោក​ខេ​ម និង​កញ្ញា តន់ ចន្ទ​សី​ម៉ា នោះ។

គេ​សង្កេតឃើញថា បទ​នេះ មានការ​ឆ្លើយឆ្លង​ឌឺដង​ផ្លែផ្កា​ពាក្យសម្ដី ឈ្លោះ​គ្នា​រឿង​ចត​ឡាន​មុខផ្ទះ គ្មាន​ការយោគយល់ អធ្រាស្រ័យ​គ្នា ក្នុងនាម​ជា​អ្នកជិតខាង​ល្អ​នោះឡើយ ហើយ​វា​ក៏ត្រូវ​នឹង​សាច់រឿង​ពិត​មួយចំនួន​ក្នុងសង្គម​នាពេល​បច្ចុប្បន្ន​របស់​យើង​នេះ​ផងដែរ។

បទ​ខាងលើនេះ ជា​ចម្រៀង​ភាគ​ទី​១​ប៉ុណ្ណោះ ហើយ​នៅ​ព្រឹក​ថ្ងៃទី​១៩ ខែកុម្ភៈ ឆ្នាំ​២០២១​នេះ ផលិតកម្ម​Galaxy Navatra ក៏​បញ្ចេញ​ចម្រៀង​១​បទ​ទៀត ត​ពីបទ​ខាងលើ មាន​ចំណងជើង​ថា «​ប្ដឹង​ប៉ូលិស​» ហើយ​ឃើញ​ថា មានការ​ឌឺដង​ផ្លែផ្កា​គ្នា​មិន​ចាញ់​បទ​ទី​១​នោះ​ឡើយ សូម្បី​លោក​យឹម តា​ស្រង់ ជា​អ្នកនិពន្ធ​បទ​នេះ ក៏​លើក​អត្ថន័យ​ចា ក់​ដោត​ក្នុង​បទ​នេះ មក​ខំ​មិន​ថា «​អ្នកខ្លះ​នៅផ្ទះ​ល្វែង​សោះ ចរិត​អស់​ទាស់​ដូច​កូន​សេដ្ឋី​….»​។​

ទោះយ៉ាងណា​បទ​នេះ មាន​ខុសប្លែក​ពីបទ​មុន​ត្រង់ បទ​មុន​ឈ្លោះប្រកែក​ឌឺដង​គ្នា​មួយ​បទ​ពេញ ចំណែក​បទ​ទី​២​នេះ មាន​ការ​ឌឺដង​ផ្លែផ្កា​គ្នា​តែ​ដំបូង​ប៉ុណ្ណោះ ដល់​វគ្គ​ខាង​ស្រី​ជំរុញ​ឲ្យ​ទៅ​ប្ដឹង​នោះ តួ​ប្រុស ក៏​បន្ទន់​ឥរិយាបថ ដើម្បី​ស្វែងរក​ដំណោះស្រាយ​បញ្ចប់​រឿង​ក្នុងនាម​ជា​អ្នកជិតខាង​ល្អ​នោះ។

ចំពោះ​អ្នកគាំទ្រ​វិញ បាន​បញ្ចេញយោបល់​ចំពោះ​ចម្រៀង​១​បទ​នេះ​ថា «​តន់​ ចន្ទសី​ម៉ា មក​លើក​នេះ​បទ ឡូយៗ​ណាស់ ចូលឆ្នាំថ្មី ត្រៀមខ្លួន​ចាំតែ​រាំ​ទេ​, សម្តែង​សម​ណាស់ ជាពិសេស​ទំនុកច្រៀង​ល្អ​ខ្លាំង​ណាស់​, ពីរោះ​ស្ទើរតែ​គ្រប់​បទ​ទៅ​ហើយ​អត់​សរសើរ​មិន​បានទេ ​ពូកែ​និពន្ធ​ខ្លាំង​ណាស់​, Galaxy លេង​ម៉ា​ទំហឹង​ហើយ​ឆ្នាំនេះ​, ម្ដងនេះ​ឈ្លោះ​ចាញ់​អាយ​ដល តន់ ចាន​សីម៉ា​ហើយ​, អីយ៉ា​ស់ មាន​វគ្គ​១ វគ្គ​២ ទៀត ឌឺដង​គ្នា​សាហាវ​ម៉​ង ប្រយ័ត្ន​ចុងក្រោយ​ស្រលាញ់​គ្នា​ទៅ​ ពីរោះ​ណាស់​»៕


Related posts

Leave a Comment