សុខៗ ស្រាប់តែ តន់ ចន្ទ​សី​ម៉ា បង្ហោះ​សារ​លើកទឹកចិត្ត ខណៈ​គុយ​លី​ ​បង្ហោះ​​រូប​ថត​មួយ​សន្លឹក ​ធ្វើ​ឲ្យ​អ្នក​គាំទ្រ​ ហួស​ចិត្ត​ត្រង់​ថា…

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ប្រិយមិត្ត​អ្នកតាមដាន​ព័ត៌មាន​សិល្បៈ​ច្បាស់​ជា​បាន​ជ្រាប​រួចមកហើយ​ថា តន់ ចន្ទ​សី​ម៉ា ជា​តារាចម្រៀង​ម្នាក់ ដែលមាន​ប្រវត្តិ​តស៊ូ ជម្នះ​គ្រប់​ឧបសគ្គ ដុសខាត់​ខ្លួនឯង រហូត​ក្លាយ​គ្រាប់ពេជ្រ​របស់​ផលិតកម្ម​Galaxy Navatra​រហូតមកដល​ល់​សព្វថ្ងៃនេះ។

បច្ចុប្បន្ន​សី​ម៉ា កំពុង​លេចធ្លោ​ខ្លាំងណាស់​លើ​វិថី​សិល្បៈ ហើយ​រាល់​បទ​ចម្រៀង​របស់​នា​ង មិន​ថា​ច្រៀង​ទោល ឬ ចាប់​ដៃគូ​ជាមួយ​តារាចម្រៀង​រូប​ណា​នោះទេ ភាគច្រើន​សុទ្ធតែ​ទទួលបាន​ការគាំទ្រ​ច្រើន​សឹង​មិនគួរ​ឲ្យ​ជឿ​។ ទោះជា​បែបនេះ​ក្ដី ក៏​នាង​គេច​មិន​ផុតពី​មតិ​រិះគន់​មួយចំនួន ពី​សំណាក់​អ្នក​មិន​ពេញចិត្ត​នាង​នោះឡើយ។

ដោយហេតុ​នេះហើយ កាលពី​រសៀល​ម៉ោងជាង​៣​ម្សិលមិញ​នេះ ស្រាប់តែ​សី​ម៉ា បាន​បង្ហោះ​សារ​លើកទឹកចិត្ត​ដ៏​មាន​អត្ថន័យ​ថា «​អ្នក​ដាក់ខ្លួន​បន្តិច មាន​អ្នក​មិនអោយ​តម្លៃ​ អ្នក​ទន់ភ្លន់​បន្តិច មាន​អ្នកមើល​មក​អ្នក​ទន់ជ្រាយ អ្នក​ចាប់ផ្តើម​រឹងមាំ មាន​អ្នក​ថា​អ្នកមាន​អំនួត អ្នក​ចាប់ផ្តើម​អោយ​តម្លៃ​ខ្លួនឯង មាន​អ្នក​ថា​អ្នក​អួត

តែ​អ្នក​ត្រូវ​ចាំ​ថាបើ​អ្នក​មិនចេះ​អោយ​តម្លៃ​ខ្លួនឯង​ផង តើ​មាន​អ្នកណា​មកអោយ​តម្លៃ​អ្នកនោះ ធ្វើ​ចិត្ត​អោយ​រីករាយ ហើយ​ញញឹម​ទៅកាន់​ពួកគាត់​ គាត់​មិន​បានឃើញ​សុបិន​របស់​អ្នក គាត់​មិន​បានមក​សាង​សុបិន​ជាមួយ​អ្នក នោះ​គាត់​ប្រាកដជា​មិនបាន​ដឹងថា​អ្វី​ជា​សុបិន​របស់​អ្នក គ្មាន​នរណាម្នាក់​ល្អឥតខ្ចោះ​នោះទេ»។

តាមរយៈ​អត្ថន័យ​ខាងលើនេះ អ្នកគាំទ្រ បាន​បញ្ចេញយោបល់​ជាច្រើន ក្នុងនោះ​ពួកគេ បាន​លើកឡើងថា «​សំខាន់​ពេលនេះ​សី​ម៉ា​ជោកជ័យ​ហើយ​, មនុស្ស​១០​ចិត្ត​១០​យើង​មិនអាច​តម្រូវ​បាន​នោះទេ​, សំខាន់​យើង​មាន​សុ​បិ​ន​របស់​ខ្លួនឯង​, ផ្គាប់​អ្វី​បាន តែបើ​ផ្គាប់ចិត្ត​មនុស្ស​គឺ​គ្មាន​ថ្ងៃ​ផ្គាប់​ត្រូវ​ឡើយ​, ចេះ​និយាយ​គួរសម សូម​គោរព ដែល​ច្រៀង​ពីរោះ ហើយ​ការនិយាយស្តី​បានល្អ​, មនុស្ស​ម្នាក់ៗ​មិនអាច​ផ្គាប់ចិត្ត​អ្នក​ទាំងអស់គ្នា​បានទេ​មាន​ស្រឡាញ់​មាន​ស្អប់​សំខាន់​យើង​ធ្វើ​ឲ្យ​គេ​ស្រឡាញ់​យើង​ឱ្យបាន​ច្រើន​ទើប​ជាការ​ប្រសើរ​ហើយ​ប្អូនស្រី​គឺជា Idol របស់ខ្ញុំ»។

ងាក​មក​ចាប់អារម្មណ៍ គុយ​លី​ចម្រៀង​ពលករ​ឯណោះ​វិញ នៅ​ម៉ោង​ជាមួយគ្នា ក្រោយ​សី​ម៉ា បង្ហោះ​ប៉ុន្មាន​នាទី​ប៉ុណ្ណោះ ស្រាប់តែ​លោក បាន​បង្ហោះ​រូប​ជាមួយ​តន់ ចន្ទ​សី​ម៉ា ចេញ​សម្បុរ​ឡើង​ខ្មៅ​ទាំង​២ ហើយ​សរសេរ​Caption​បែប​លេងសើច រំសាយ​ទុក្ខ​កង្វល់​ថា «​ហេតុតែ​ស្រលាញ់​គាំទ្រ idol បាយទឹក​អត់​ហ៊ាន​ហូប​ទេ នៅចាំ​សុំ​លុយ​idol ទិញ​បាយ​ហូប​ហាហា»។

ឃើញ​បែប​នេះ អ្នកគាំទ្រ ក៏​ដាក់​ម្នាក់​មួយ​ម៉ាត់​ថា «​កាមេរ៉ា​ម៉ាក​អី​បាន​ថត​អាយ​ដល​ខ្ញុំ​ខ្មៅ​ម្លេះ​, គុយ​លី​ហ្នឹង​យ៉ាប់​មែន​មិនដឹង​យក​កាមេរ៉ា​ទូរ​សព្ទ​អី​មក​ថត​សី​ម៉ា​របស់ខ្ញុំ​ខ្មៅ​ជាង​គុយ​លី​ទៀត​, ចុ​ម​ខ្មៅ​ជាង​បងគុយ​លី ទៀត ចែ​ម្នាក់​ហ្នឹង​, អគុណ​Camera, កាត់​ឆុង​, ខ្មៅ​កប់​ម៉​ង​ខាង​ស្រី​, ពិតជា​មានន័យ​ណាស់​, សក់​ស្អាត​ណាស់​បង​»៕​

Related posts

Leave a Comment