គេនៅចាំបានថា ក្រោយពីរួមរស់ជាមួយគ្នាជាង១០ឆ្នាំ រហូតមានកូន៤នាក់ ប្រកបដោយសុខសុភមង្គលនោះ អ្នកឧកញ៉ាគិតម៉េង បានសម្រេចចូលរោងការជាមួយ អ្នកនាង ស្រីតូច ចំណាន នៅថ្ងៃទី២០ ខែមីនា ឆ្នាំ២០១៥ ដោយគិតមកដល់ពេលនេះ មានរយៈពេលជិត៥ឆ្នាំហើយ។
ក្នុងការរស់នៅជាមួយគ្នានេះ គេសង្កេតឃើញថា គ្រួសារអ្នកឧកញ៉ា ពិតជាមានសុភមង្គលខ្លាំងណាស់ ហើយរាល់ថ្ងៃពិសេសរបស់សមាជិកគ្រួសារណាម្នាក់នេះ អ្នកឧកញ៉ា តែងតែបង្ហាញក្ដីស្រឡាញ់ទៅកាន់ពួកគេ តាមរយៈការបង្ហោះសារភ្ជាប់ជាមួយរូបភាពនៅលើទំព័រហ្វេសប៊ុករបស់ខ្លួន។
ជាក់ស្ដែងនៅថ្ងៃពិសេសរបស់លោកជំទាវស្រីតូចចំណាននោះ អ្នកឧកញ៉ាគិតម៉េង បានបង្ហោះរូបថតជាច្រើនសន្លឹក អមដោយសារដ៏ផ្អែមល្ហែមធ្វើឲ្យគ្រប់គ្នារំភើបជំនួស ដូច្នេះថា «នៅថ្ងៃនេះ បងបានភ្ញាក់ពីដំណេកប្រកបដោយក្ដីរំភើប ដើម្បីទន្ទឹងរង់ចាំស្វាគមន៍និងអបអរថ្ងៃពិសេសរបស់ភរិយាដ៏ស្រស់សោភារបស់បង»។
តាមរយៈសារដ៏ផ្អែមល្ហែមស្ទើរតែលើសជាតិស្ករនេះ បានធ្វើឲ្យអ្នកគាំទ្រទប់ចិត្តមិនជាប់ បញ្ចេញយោបល់ថា «គ្រប់ caption ពោរពេញទៅដោយ ភាពកក់ក្ដៅ ក្ដីស្រឡាញ់ដែលពិតប្រាកដនឹងការ គោរពផ្ដល់តម្លៃជីវិតគូរដែលមនុស្សគ្រប់រូបតែប្រាថ្នារីករាយថ្ងៃកំណើតលោកជំទាវ, បងប្រុសថតរូបមួយសន្លឹកណាក៏តែងតែផ្ដល់ក្ដីស្រលាញ់ និងផ្ដល់ភាពកក់ក្ដៅដល់បងស្រីរូបថតមួយសន្លឹកណាក៏មានបង្កប់អត្ថន័យដែរបងស្រីជាមាតាដ៏គំរូដល់កូនៗ(រូបថតគ្រប់សន្លឹកបងប្រុសតែងតែនៅឆ្វេងដៃបងស្រីបានន័យថាបងស្រីជាគ្រឹះដ៏រឹងមាំ ហើយក៏ជាមនុស្សពិសេសសម្រាប់បងប្រុសដែរ)ជូនពរបងទាំង២កាន់តែស្វីតណា»។
«ផ្អែមល្ហែមណាស់, រាល់ពាក្យជូនពរ ពោពេញដោយក្តីស្រលាញ់, ស្តាប់ហើយក៏រំភើបតាមលោកឧកញ៉ាដែរ, ពិតជាប្ដីដ៏ល្អមែន, ខ្ញុំស្រលាញ់បងស្រីណាស់ សមសួនណាស់ ជាមនុស្សស្រីដែលខ្ញុំចង់យកគំរូតាម ជូនពរថ្ងៃកំណើតសូមអោយលោកជំទាវមានសុខភាពល្អ និងសម្រស់កាន់តែស្រស់សោភាបែបនេះរហូត Iloveyou Idol»៕
