រឿង «​ដើម្បី​កូន​» មានតម្លៃ​អប់រំ​ល្អ កម្សត់ មើល​ប៉ុន្មាន​ដង​ក៏​ស្រក់​ទឹកភ្នែក ប៉ុន្តែ​ផលិតករ​រឿងនេះ កំពុង​ប្រតិកម្ម​ចំពោះ​…(មានវីដេអូ)

រឿង​«​ដើម្បី​កូន​» ជា​សាច់រឿង​មួយ​មានតម្លៃ​អប់រំ​ល្អ មើល​ប៉ុន្មាន​ដង​ក៏​ហូរ​ទឹកភ្នែក​នោះដែរ ដោយសារតែ​ការ​អាណិត​ចំពោះ​តួអង្គ​ឪពុក ដែល​តស៊ូ​គ្រប់​បែបយ៉ាង​ដើម្បី​កូន​របស់ខ្លួន​។ ប៉ុន្តែ​លោក​ហ៊ុយ យ៉ា​ឡេង កំពុង​ធ្វើការ​ប្រតិកម្ម​ចំពោះ​អ្នក​យក​រឿង​នេះ​ទៅ​បង្ហោះ​បន្ត​បំពាន​កម្មសិទ្ធិបញ្ញា។

រឿងនេះ បាន​បង្ហោះ​ចូល​ទៅ​ក្នុង​ឆា​នែ​ល​របស់​លោក​ហ៊ុយ យ៉ា​ឡេង ឈ្មោះ​«KAKTHACHEY» កាលពី​ពេល​ថ្មីៗ​កន្លង​ទៅ​នេះ ហើយ​គិត​មក​ត្រឹម​ថ្ងៃ​ទី​២០ ខែ​កុម្ភៈ ឆ្នាំ​២០២១​នេះ មាន​អ្នកទស្សនា​សរុប​ជាង​៣០​ម៉ឺន​ដង ជាមួយ​នឹង​ការ​បញ្ចេញមតិ​ប្រមាណ​ជា​១​ពាន់។

លោក​ហ៊ុយ យ៉ា​ឡេង ដែលជា​ផលិតករ​រឿង​នេះ ក៏បាន​សរសេរ​នៅក្នុង​Description ធ្វើការ​សង្ខេប​រឿងនេះ​ដូច្នេះ​ថា «​សង្ខេប​រឿង​ខ្លី ជា​ខ្សែរ​ភាពយន្ត ដែល​ដកស្រង់​ពី​ជីវិត​ពិត​របស់​ឪពុក​ធាក់​ស៊ីក្លូ​ពិកា​ជើង​ម្ខាង​ម្នាក់​ដែល​ប្រឹង​ចិញ្ចឹមជីវិត​ដើម្បី​កូន​ពីរ​អ្នក​ដែល​ប្រពន្ធ​យក​មក​បោះបង់ចោល​នៅ​កែង​វត្ត​ឧណ្ណាឡោម ឆាក​ជីវិត​កម្សត់​ការ​តស៊ូ​ដើម្បី​ចិញ្ចឹម​កូន​២​អ្នក​អោយ​បានរ​ស់​ត្រូវ​បាន​ចាប់ផ្តើម ឪពុក​ខ្លួន​ពិការ​តែ​ចិត្ត​មិនបាន​ពិការ​ឡើយ ព្រឹក​ជួយ​ដឹកជញ្ជូន​អីវ៉ាន់​គេ​ដាក់​ផ្សារ​ចាស់ រួចហើយ​ចេញទៅ​រត់​ស៊ីក្លូ ឆ្លៀត​រើស​អេតចាយ យប់​ជួយ​រ៉ឺយ៉ែ​ឡាន​គេ ស្ពាយ​កូនពៅ​ជាប់​ខ្លួន និង​ប្រឹង​ដើម្បី​អោយ​កូនស្រី​បង​បាន​ចូលរៀន​កុំ​អោយ​ល្ងង់​ដូច​ខ្លួន

ចុងក្រោយ​កូន​ធ្លាក់ខ្លួន​ឈឺ មើល​មិនជា ឪពុក​ប្រឹង​អស់ពី​ខ្លួន រហូត​លក់​ស៊ូ​ក្លូ លក់​ឈាម ដើម្បី​ប្តូរ​យក​ថវិកាទិញ​ថ្ន ាំ​អោយ​កូន តើ​ការតស៊ូ​លំបាក​យ៉ាងណា​ដើម្បី​រស់ របស់​ជីវិត​អ្នកក្រ នោះ​លោកអ្នក​និង​បាន​ឃើញ​នៅក្នុង​ខ្សែភាពយន្ត ដែល​មាន​ចំណងជើង​ថា ​ដើម្បី​កូន​»​។​

​ជាមួយគ្នានេះ ផលិតករ​ដ៏​ល្បី​រូបនេះ ក៏បាន​បញ្ជាក់ដែរថា រឿងនេះ រក្សា​សិទ្ធិ​ដោយៈ កថា​ជ័យ​ភាពយន្ត កថា​ជ័យ​ភាពយន្ត​សូម​ធ្វើការ​រក្សា​សិទ្ធិ​រាល់​វីដេអូ ​ដែល​បាន​បង្ហោះ​នៅ​ក្នុង​ផេ​ក និង យូ​ធូប​ឆា​នែ​ល​ទាំងអស់ ប្រសិនបើ​មាន​វីដេអូ​ណាមួយ​ក្នុង​ឆា​នែ​ល​យូ​ធូប ពួកយើង​សូម​ធ្វើការ REPORT ដើម្បីអោយ​លុប​ជាបន្ទាន់។ សូម​អរគុណ​សម្រាប់​ការគាំទ្រ និង ការ​ទស្សនា។

ទោះជា​លោក​ បាន​ធ្វើ​ការ​បញ្ជាក់​នៅ​ក្នុង​Description បែបនេះ​ក៏ដោយ ក៏​នៅតែមាន​បុគ្គល​មួយចំនួន​បាន​ដោន​ឡូត​រឿង​នេះ ទៅ​បង្ហោះ​បន្ត​នៅ​ក្នុង​ផេ​ក​របស់​ខ្លួន ជាហេតុ​ធ្វើ​ឲ្យ​លោក​ហ៊ុយ យ៉ា​ឡេង (​ក​ឋ ជ័យ​) មានការ​ប្រតិកម្ម​យ៉ាង​ខ្លាំង។

លោក​ហ៊ុយ យ៉ា​ឡេង បាន​បង្ហោះ​សារ​​នៅ​លើ​គណនី​ហ្វេ​ស​ប៊ុ​ក​របស់​ខ្លួន​ឈ្មោះ ក​ឋា ជ័យ នៅ​ព្រឹក​ថ្ងៃ​ទី​២០ ខែ​កុម្ភៈ ឆ្នាំ​២០២១​ដូច្នេះ​ថា «​កម្មសិទ្ធិបញ្ញា​ ពាក្យ​នេះ​ប្រហែល​បងប្អូន​ខ្លះ​មិនទាន់​យល់​ទេ​ បងប្អូន​ដែល​ស្គាល់​ម្ចាស់​ផេ​ក​ទាំងនេះ​ឬ​បង​ម្ចាស់​ផេក​ផ្ទាល់​បើ​សិន​បាន​ឃើញ​សូម​លុប​ជាបន្ទាន់​ ខ្ញុំ​បាន​ចំណាយ​ពេល​ផលិត​ទាំង​កម្លាំង​ និង​ថវិកា​​ហើយ​ខ្ញុំបាទ​បាន​មានចិត្ត​ជ្រាស​ថ្លា​បង្ហោះ​ភាពយន្ត​

ដូចនេះ​បងប្អូន​មិន​គួរ​ដោ​ន​ឡូត​យក​ទៅ​បង្ហោះ​បន្ត​ឡើយ​បងប្អូន​គ្មាន​កម្មសិទ្ធិបញ្ញា​ឡើយ​​បើ​បងប្អូន ចង់​ចែករំលែក​បន្ត​ ​សូម​មេត្តា​សៀ​បន្ត​​ពី​ផេ​ក​ និង​ឆា​ណែ​ល​ផ្លូវការ​របស់ខ្ញុំ​បាទ​ បើ​ឃើញ​ជួយ​Report​ផង​បងប្អូន​»​។​

ក្រឡេក​មក​មើល​អារម្មណ៍​អ្នកទស្សនា​រឿង​នេះ​វិញ ពួកគេ​ភាគច្រើន ទប់ទឹក​ភ្នែក​មិន​ជាប់​នោះ​ឡើយ ហើយ​បាន​បញ្ចេញយោបល់​ស្រដៀង​ៗ​គ្នា​ដូច្នេះ​ថា «​អ្នកណា​អាច​ទប់ទឹក​ភ្នែក​ជាប់ បើ​កម្សត់​ខ្លាំង​យ៉ាងនេះ រឿងនេះ​ពិតជា​ល្អ​ខ្លាំងណាស់ ទាំង​ការអប់រំ សម្តែង និង​ការដឹកនាំ សូម​អរគុណ​សម្រាប់​ចែករំលែក​, ខ្ញុំ​មើល​ប៉ុន្មាន​ដង​ក៏​នៅតែ​ទប់ទឹក​ភ្នែក​មិន​ជា​ប់ សុំ​សរសើរ​ដល់​ស្នាដៃ​របស់​បងប្រុស​ខ្លាំង​ណាស់​, មិនដែល​មើល​រឿង​ណា​យំ​ដូច​រឿង​នេះ​ទេ បើ​អោយ​ពុន្ទុ 10/10, រឿង​ដែល​មាន​ការអប់រំ​បាន​ល្អ ខ្ញុំ​បាន​មើល​ហើយ​ពិតជា​កម្សត់ ពី​ការ​តស៊ូ​របស់​ឪពុក ធ្វើ​អោយ​ខ្ញុំ​ហូរ​ទឹកភ្នែក​ទាំង​មិន​ដឹង​ខ្លួន ពិតជា​ល្អមើល​ណាស់​»៕


Related posts

Leave a Comment