នោះ​! ព្រោះតែ​រឿង​មួយ​នេះ ធ្វើ​ឲ្យ​ឱក សុគន្ធ​កញ្ញា នៅ​មិន​សុខ បង្ហោះ​សារ​ជូនដំណឹង​ទាំង​ព្រឹក​ថា​…

ឱក សុគន្ធ​កញ្ញា ជា​តារា​ចម្រៀង​ដ៏​ល្បី​មួយ​រូប​ឈរជើង​លើ​វិថី​សិល្បៈ​ជាច្រើន​ឆ្នាំ ជាមួយ​នឹង​អ្នកគាំទ្រ​យ៉ាង​ច្រើន គ្រប់​ស្រទាប់​វ័យ​ទាំងអស់ ហើយ​ក្នុងចំណោម​អ្នកគាំទ្រ​របស់​នាង​មួយ​ចំនួន​តូច​នោះ បាន​បង្កើត​គណនី និង​ទំព័រ​ហ្វេ​ស​ប៊ុ​ក ដាក់ឈ្មោះ​របស់​នាង​ទៀតផង។

ក្នុង​ការបង្កើត​ដាក់ឈ្មោះ​នាង​នេះ មាន​អ្នកខ្លះ​ក៏​បង្ហោះ​លក្ខណៈ​ធម្មតា មិន​ប៉ះពាល់​ដល់​កំពូល​តារាចម្រៀង​រូបនេះ​នោះឡើយ ប៉ុន្តែ​មាន​មួយចំនួនទៀត បាន​បង្ហោះ​ផ្ដេសផ្ដាស ធ្វើ​ដូចជា​សាមីខ្លួនៗ​ពិត ជាហេតុ​ធ្វើ​ឲ្យ​អ្នកគាំទ្រ​នាង​ មានការ​យល់ច្រឡំ​ទៀតផង។

ប្រការ​នេះហើយ ទើប​ធ្វើ​ឲ្យ​ឱក សុគន្ធ​កញ្ញា នៅ​មិន​សុខ បង្ហោះ​សារ​ទាំង​ព្រឹក​ជូនដំណឹង​ប្រាប់​ថា ទំព័រ​ហ្វេ​ស​ប៊ុ​ក​ (ផេក) ផ្លូវការ​របស់​នាង​មានតែ​១​ប៉ុណ្ណោះ និង​បាន​ស្នើ​ឲ្យ​អ្នក​ស្រឡាញ់​នាង ហើយ​បង្កើត​គណនី និង​ទំព័រ​ហ្វេ​ស​ប៊ុ​ក​ដាក់ឈ្មោះ​នាង មេត្តា​ប្ដូរ ចេញ ឬ​ប្ដូរ​ទៅជា​អ្នកគាំទ្រ​វិញ ដើម្បី​កុំ​ឲ្យ​មានការ​យល់ច្រឡំ​ដល់​អ្នកគាំទ្រ​ផ្សេងទៀត​នោះ។

ឱក សុគន្ធ​កញ្ញា បាន​បង្ហោះ​សារ​ជូនដំណឹង​ភ្ជាប់​ជាមួយ​គណនី និង​ទំព័រ​ហ្វេ​ស​ប៊ុ​ក​ក្លែងក្លាយ​ថា «​សូម អធ្យាស្រ័យ​ចំពោះ​ការ​ផុស​រូប​ទាំង​អស់នេះ ប៉ុន្តែ​យ៉ាងណា​ក៏​ចង់​ផ្ដល់​ដំណឹង​នេះ​ជូន​ដល់​អ្នកគាំទ្រ និង​ស្រឡាញ់ ឱក សុគន្ធ​កញ្ញា គ្រប់​ៗ​គ្នា បញ្ជាក់ថា Account & Page ទាំងអស់នេះ​មិនមែនជា​របស់​នាង​ខ្ញុំ​ឡើយ

ប្រសិនបើ​មានការ​ផុស​ប៉ះពាល់ ឬ​ឆា​តទៅ​អ្នក​ទាំងអស់គ្នា នាង​ខ្ញុំ​សុំ​មិន​ទទួលខុសត្រូវ អាស្រ័យ​ហេតុ​នេះ​សូម​បងប្អូន​កុំ​មានការ​យល់ច្រឡំ ព្រោះ​នាង​ខ្ញុំ​មាន​ផេ​ក​ផ្លូវការ​ផ្ទាល់ខ្លួន​ដែល​មាន​សញ្ញា ✅​ជា​សម្គាល់ និង​តែមួយគត់​របស់ខ្ញុំ​។

ដូច្នេះហើយ​នាង​ខ្ញុំ​ក៏​សូម​អរគុណ​ចំពោះ​ការស្រឡាញ់ របស់​បងប្អូន​ជាពិសេស​ម្ចាស់ account និង pages ទាំងអស់ ដែល​តែងតែ​ស្រឡាញ់ មកលើ​រូបនាង​ខ្ញុំ ហើយ​បើ​រឹតតែ​បញ្ជាក់​ពី​ការស្រឡាញ់​ពិត​សូម​អ្នក​ទាំង​អស់គ្នា​ធ្វើការ​ផ្លាស់ប្ដូ​ឈ្មោះ​ខ្ញុំ​ទៅជា​ឈ្មោះ​ពិត​របស់​អ្នក​ទាំងអស់គ្នា​វិញ ឬក៏​ថា​ជា​អ្នកគាំទ្រ​វិញ ជៀសវាង ការ​យល់ច្រឡំ ជា​ចុងក្រោយ នាង​ខ្ញុំ​ក៏​សូម​អរគុណ​ចំពោះ​ការ​ចំណាយ​ពេលវេលា​ដ៏​មា​តម្លៃ របស់​បងប្អូន​មក​អាន​Caption មួយ​នេះ សូម​ជូនពរ​បងប្អូន​ទាំងអស់ ជួប​តែ​ក្តី​សុខ សុខ​ភាព​ល្អ​គ្រប់ៗ​គ្នា​»៕

Related posts

Leave a Comment