ខេ​ម ដាក់​ចំណុច​ល្អ​! ខេ​ម លើក​យក​រឿង​ពិត របស់​សី​ម៉ា មក​និយាយ ឈ្លោះ​គ្នា​កក្រើក​បណ្ដាញ​សង្គម

ប្រិយមិត្ត​ច្បាស់​ជា​ បាន​ដឹង​រួច​មក​ហើយ កាលពី​ពេល​ថ្មីៗ​កន្លង​មក​នេះ តារា​ចម្រៀង​វ័យក្មេង​តន់ ចន្ទ​សី​ម៉ា ធ្លាប់​បាន​ធ្វើការ​បកស្រាយ​ជុំវិញ​ការ​ប្ដូរ​ទម្រង់​មុខ​របស់​ខ្លួន ខុស​ពី​ពេល​កាល​ប្រឡង ដើម្បី​ជម្រះ​មន្ទិល​អ្នកគាំទ្រ។

កាលនោះ សី​ម៉ា បានបញ្ជាក់​នៅលើ​គណនី​Tik Tok​របស់ខ្លួន​ដូច្នេះ​ថា «​ខ្ញុំ​ជឿថា បងប្អូន​ទាំងអស់គ្នា​មាន​ចម្ងល់​កន្លែង​នឹង​ច្រើនណាស់ ដោយសារតែ​ការផ្លាស់ប្ដូរ​នៃ​ទម្រង់​មុខ​របស់ខ្ញុំ កាលពី​ប្រឡង និង​ឥឡូវ​គឺ​ខុសគ្នា​ដាច់ ហើយ​ខ្ញុំ​ក៏​ជឿ​បងប្អូន ខ្ញុំ​ជឿថា​បងប្អូន​នឹង​ជឿថា ការដែល​សម្រក​គីឡូ​ក៏​ជា​កត្តា​មួយ​ជំរុញ​ឲ្យ​ផ្លាស់ប្ដូរ​នៃ​ទម្រង់​មុខ​ដែរ​»​។​

សី​ម៉ា បាន​ពន្យល់​ទៀតថា «​កាលពី​ពេលដែល​ខ្ញុំ​ប្រឡង​នោះ ខ្ញុំ​មាន​គីឡូ​៥០​ជាង ដែល​ពេល​ឥឡូវ​ខ្ញុំ​មាន​គីឡូ​តែ​៤៧​គីឡូ​ទេ បូ​កឡំ​នឹង​ការធ្វើ​ច្រមុះ​របស់ខ្ញុំ ហើយ​អ្វីដែល​កាន់តែ​ប្ដូរ​នោះ គឺ​ការ​ក្រៀប​ធ្មេញ ពត់​ធ្មេញ​របស់ខ្ញុំ ធ្វើ​ឲ្យ​ទម្រង់​មុខ​របស់ខ្ញុំ​ចូល​សងខាង​នេះ​អស់

ចឹ​ង​ធ្វើ​ឲ្យ​មាន​អ្នកខ្លះ​យល់ច្រឡំ​ថា​ខ្ញុំ​នឹង​ចាក់​ថ្គាម កាត់​វី​អី ឬក៏​អី គឺ​អត់​មាន​ទេ គឺ​ខ្ញុំ​បាន​ពត់​ធ្មេញ ហើយ​សម្រាប់​ការពត់​ធ្មេញ​នេះដែរ​មាន​រយៈពេល​១​ឆ្នាំ​ជាង​ហើយ ហើយ​ទម្រង់​មុខ​របស់ខ្ញុំ​ពីមុនមក វា​ផ្លាស់ប្ដូរ ដោយសារ​អី ឥឡូវ​វា​៧​ឆ្នាំ​ហើយ​បងប្អូន ចឹ​ង​ការ​អាប់​ដេ​ត​ខ្លួនឯង ការចេះ​តែងខ្លួន ក៏​ធ្វើ​ឲ្យ​យើង​ផ្លាស់ប្ដូរ​ពីមួយ​ឆ្នាំទៅ​ដែរ ចឹ​ង​ខ្ញុំ​ជឿថា​បងប្អូន​នឹង​យល់​ពី​ចំណុច​ហ្នឹង​»​។​

ក្រឡេក​មក​មើល​ប៉ុន្មាន​ថ្ងៃនេះ តារាចម្រៀង ខេ​ម និង​តន់ ចន្ទ​សី​ម៉ា បានចេញ​ចម្រៀង​ឆ្លងឆ្លើយ​ឈ្លោះ​គ្នា​៤​បទ​ជាប់​គ្នា​ទៅហើយ ហើយ​បទ​ឈ្លោះ​គ្នា​ទី​៤ ទើបតែ​ចេញ​នៅ​ព្រឹក​ថ្ងៃទី​២២ ខែកុម្ភៈ ឆ្នាំ​២០២១​នេះ​ប៉ុណ្ណោះ ដោយ​ខេ​ម លើកយក​រឿង​ពិត​ទាក់ទង​នឹង​ទម្រង់​មុខ​សី​ម៉ា មក​និយាយ។

បទ​នេះ មាន​ចំណងជើង​ថា «​ខេ​ម និង​តន់ ចន្ទ​សី​ម៉ា ឈ្លោះ​គ្នា​» ជាការ​និពន្ធ Melody និង​ទំនុកច្រៀង ៖ ឡេង ណា​វ៉ា​ត្រា​, និពន្ធ​បទ​ភ្លេង​៖ Tempo Tris, ដឹកនាំ​សម្តែង​៖ Jonathan, ថត​៖ សុខ ដាន់​, រៀបចំ​ការផលិត​៖ Manuth ដោយ​ក្បាល​ដំបូង​នៃ​បទ​នេះ ខេ​ម បាន​ច្រៀង​រៀបរាប់​រឿង​សី​ម៉ា ធ្វើ​ចង្កា​ ហើយ​ធ្វើ​ចម្រុះ ពត់​ធ្មេញ​ថ្គាម​ហោះ មុខ​ដូច​អក្សរ​V ពីមុន​មុខ​ដូច​បាល់ ភ្នែក​ដូច​គ្រាប់​ឃ្លី លើក​មក​ឲ្យ​ហ្វ្រី ក៏​មិន​យក​ធ្វើ​គូ ជាហេតុ​ធ្វើ​ឲ្យ​ជម្លោះ​ក្នុង​បទ​នេះ​បាន​កើតឡើង​តែម្ដង។

ដោយឡែក​អ្នកគាំទ្រ​វិញ បាន​បញ្ចេញយោបល់​ចំពោះ​បទ​នេះ​ថា «​ពូ​ខេ​ម និង មីង​សី​ម៉ា​ចេះ​យក​ការពិត​មក​និយាយ​លេង​ចឹ​ង​, បង​ខេ​ម​នឹង​សី​ម៉ា​ច្រៀង​សម​គ្នា​សំឡេង​ស្ដាប់ទៅ​ពីរោះ​សំឡេង​ដូចគ្នា​ម៉​ង​, ស្ដាប់​ជាច្រើន​ដង​ហើយ​នៅតែ​ពីរោះ​, មនុស្ស​ស្រី​គិតៗ​ទៅ​កន្លែង​ធម្មជាតិ​មិន​សូវ​មាន​សោះ​សម័យនេះ​, ស្នាដៃ​បង Tempo Tris​ដឹង​តែ​អេ​ម​ហ្មង​, បែក​ធ្លាយ សី​ម៉ា កែ ចង្កា កែ​ច្រមុះ ពុត​ធ្មេញ​»៕


Related posts

Leave a Comment