នេះជាលើកទី១ហើយសម្រាប់តារាចម្រៀងប្រុសល្បីឈ្មោះ ចឺម និងអនុស្សាវរីយ ដែលចេញបទរួមគ្នា ស្របពេលពួកគេ មានសំឡេងខ្ពស់ដូចគ្នា ស្រែកខ្លាំងដូចគ្នា ឈរជើងនៅផលិតកម្មសាន់ដេជាមួយគ្នាអស់រយៈពេលជាយូរមកហើយនោះ។
បទដំបូងរបស់ពួកគេច្រៀងរួមគ្នានេះ មានចំណងជើងថា «បងប្អូនល្អ» ចេញជាប្រភេទLYRIC VIDEO នៅថ្ងៃទី២២ ខែកុម្ភៈ ឆ្នាំ២០២១នេះ ហើយក្រោយរយៈពេលត្រឹម៤ម៉ោងប៉ុណ្ណោះ មានអ្នកទស្សនាជិត១០ម៉ឺនដងទៅហើយ ជាមួយនឹងការបញ្ចេញមតិជិត៥០០។
បទនេះ ដឹកនាំសម្តែង: គីម ផល្លី , និពន្ធទំនុកច្រៀង : ហ៊ាង ម៉េងហួរ, និពន្ធបទភ្លេង : Jane Roffer, ថតដោយ: គីម ផល្លីន , កា ត់តរូបភាព: គីម ផល្លី ត្រូវបានអ្នកគាំទ្រលើកសរសើរស្ទើរគ្រប់គ្នា ថាមានភាពពីរោះ សំឡេងល្អដូចគ្នា អត្ថន័យក៏ល្អ ក្នុងនោះមតិមួយ លើកនាយចឺម ថាអនាគតអាចស្នងតំណែងកំពូលតារាចម្រៀងព្រាប សុវត្ថិទៀតផង។ ប៉ុន្តែត្រូវបានបដិសេធ ដោយមតិជាច្រើន។
ជាក់ស្ដែង ក្នុងចំណោមការបញ្ចេញមតិជិត៥០០នោះ ពួកគេ បានលើកឡើងដូច្នេះថា «ទីបំផុតបានឃើញគាត់ច្រៀងជាមួយគ្នាហើយ តារាសំណព្វទាំង ២, ចង់ឃើញគាត់ច្រៀងរួមគ្នាយូរហើយIdol, អាយដលប៉ះគ្នាហើយល្អណាស់, បានពួកគាត់នឹងឯងដែលលើក សាន់ដេ, អាយដលខ្ញុំទាំងពីរប៉ះគ្នាហើយស្រែកប៉ះស្រែកពីរោះណាស់, ចឺមអនាគតអាចស្នងដំណែងកំពូលតារាចម្រៀងព្រាប សុវត្ថិបាន»។
«ពីរោះណាស់បងអើយ, លើកទី១ហើយ បងប្អូនល្អ, ចេញបទហ្នឹង versions ស្រីអោយបងសុខពិសីនិងបង អ៊ីវ៉ា ផងមក, ពីរោះណាស់អាយដល, គាត់ទាំងពីរអ្នកសុទ្ធតែជាអាយដល បងសិរីមន្ដ, រាល់បទដែលធ្វើដោយ ហ៊ាងម៉េងហួរ ស្តាប់មកពីរោះម៉ង ហើយថែមទងមានន័យ, ប្លែកអារម្មណ៍ទៀតហើយ, មកហើយខ្លាំងប៉ះខ្លាំង»៕
