គាំង! ទេព បូ​ព្រឹក្ស ទម្លាយ ​រូប​២​សន្លឹក​ជំនាន់​២០១០, អ្នកគាំទ្រ យល់ឃើញ​ស្រដៀង​ៗ​គ្នា​ ធ្វើឲ្យG-Devith អានហើយ អាចដាច់ផ្ងារតែម្ដង

អ្នក​តាមដាន​ព័ត៌មាន​សិល្បៈ​ច្បាស់​ជា​បាន​ដឹងហើយថា តារាចម្រៀង​ទេព បូ​ព្រឹក្ស និង​លោក​ងួន ចាន់​ដេវីត ហៅ​G-Devith​ បាន​ស្រឡាញ់គ្នា​អស់​រយៈពេល​ប្រមាណ​៤​ឆ្នាំ​មកហើយ ជាមួយនឹង​ការតស៊ូ​, ការ​សាង​អនុស្សាវរីយ៍​ជាមួយគ្នា រាប់មិនអស់។

គេ​សង្កេតឃើញថា កាលពី​ពួកគេ​ឈរជើង​ក្រោម​ដំបូល​ផលិតកម្ម​នោះ ជីវភាព​របស់​ពួកគេ ហាក់​មិនទាន់​ប្រសើរ​នៅឡើយ។ ប៉ុន្តែ​ពេល​សម្រេច​ ចាក​ចេញពី​ផលិតកម្ម មក​សាង​ឈ្មោះ​ជា​តារា​ចម្រៀង​ឯករាជ្យ ទោះ​មិន​មាន​​ភាព​ល្បី​ដូច ពីមុន​ក៏​ពិតមែន តែ​ជីវភាព​របស់​ពួកគេ ល្អ​ប្រសើរ​ខ្លាំង​ណាស់។

សព្វថ្ងៃ ពួកគេ មាន​លុយ ទិញ​ផ្ទះ ទិញ​សម្ភារៈ​ទំនើបៗ ពិសេស​ការទិញ​រថយន្ត​លំដាប់​អភិជន ម៉ាក Rolls Royce Ghost តែម្ដង​។ ងាក​មក ក្រុមគ្រួសារ​របស់​ពួកគេ​ទាំងសងខាង​វិញ ឃើញថា មាន​ភាព​ស្និទ្ធស្នាល​ជាមួយគ្នា និង​ស្រឡាញ់​ពួកគេ​ទាំង​២​ដូចគ្នា ជាហេតុ​ធ្វើ​ឲ្យ​ស្នេហា​របស់​ពួកគេ ទៅមុខ​ប្រកបដោយ​សុភមង្គល។

ចំពោះ​ការប្រើប្រាស់​បណ្ដាញ​សង្គម​ហ្វេ​ស​ប៊ុ​ក​វិញ ឃើញ​ថា ពួកគេ​ទាំង​២​នាក់ មាន​ប្រជាប្រិយ​ភាពដូចគ្នា ដោយ​ផេ​ក​របស់​ពួកគេ​មាន​អ្នក​ចុច​ឡាយ​សុទ្ធតែ​លើស​ពី​១​លាន​ដូចគ្នា ហើយក៏​ឧស្សាហ៍​បង្ហោះ​រូបថត អម​ដោយ​Caption​ដូចគ្នា​ផងដែរ​។​

ជាក់ស្ដែង​នៅ​ល្ងាច​ថ្ងៃទី​២៣ ខែកុម្ភៈ ឆ្នាំ​២០២១​នេះ ទេព បូ​ព្រឹក្ស បាន​បង្ហោះ​រូបថត​២​សន្លឹក​ទន្ទឹមគ្នា ដោយ​មួយ​សន្លឹក​ជា​របស់​ខ្លួនឯង​​ និង​មួយ​សន្លឹក​ទៀត ជា​របស់​លោក​ងួន ចាន់​ដេវីត កាលពី​ជំនាន់​២០១០ អម​ដោយ​Caption​យ៉ាង​ខ្លី​ថា «​ជំនាន់ 2010 DITWAY & TBP»​។​

តាមរយៈ​រូបថត​ទាំង​២​ខាងលើនេះ ពិតជា​ធ្វើ​ឲ្យ​អ្នកគាំទ្រ​ទប់ចិត្ត​មិនជាប់​នោះ​ឡើយ ដោយ​ពួកគេ បាន​ចាប់អារម្មណ៍ និង​យល់ឃើញ​ស្រដៀង​ៗ​គ្នា​ដូច្នេះ​ថា «​ចែ​ព្រឹក​ស្អាត​តាំងពី​កើត​,​ចែ​ស្អាត​តាំងពី​ក្មេង​, បើ​អាច​ទាញ​ពេលវេលា​ថយក្រោយ​បាន ខ្ញុំ​មិន​ចង់​ឃើញ​រូប Idol Ditway ទេ​, ចែ​ព្រឹក្ស​ស្អាត​តាំង​២​តូច​ហ៎​, បង​ប្រឹក្ស​មធ្យម ​ងំ​បង​វីត​, Ditway រាង​ដូច​ចង្កឹះ​, ចាញ់​បង​ទេព​បូ​ព្រឹក​ដាច់​, ខាង​ស្រី​ឡើង​គួរ​ឲ្យ​ស្រឡាញ់ ខាង​ប្រុស​វិញ​ចប់​»​។​

«​បង​វីដ​មុខ​ដូច​វាំង​ដឺ​, ខាង​ស្រី​ឡើង​ស្អាត​ខាង​ប្រុស​វិញ​បាច់​មើល​, បើ​បង​ដេវីត​វិញ​ចាញ់​បង​ទេព​បូព្រឹក្ស​ដាច់​, ខាង​ស្រី​មធ្យម ងំ​ខាង​ប្រុស​ស្អាត​អស់​ទាស់​, កោត​បង​ឯង​ស្រលាញ់​បង​វី​ដ រួច​, ខាង​ស្រី​មើល​រាង​គេ​ឡើង​cute​ តែ​ខាង​ប្រុស​យើង​នេះ​វិញ​ដូច​ឈើចា ក់ធ្មេញ​, ខាង​ស្រី​នៅតែ​ស្អាត​ដដែល , Ditway រក​កន្លែង​ស្អាត​អត់​ឃើញ​តែ​បើ​TBP វិញ​ស្អាត​សា ហាវ​, បង​Tep Boprek ស្អាត​តាំង​ពីដើម​»៕

Related posts

Leave a Comment