គេនៅចាំបានថា អ្នកនាង Love Riya និងប៉ូលិសរូបសង្ហា លោក ហេង គីមហៀង បានដឹកនាំគ្នា ចូលរោងការតាមប្រពៃណី កាលពីថ្ងៃទី១៥ ខែធ្នូ ឆ្នាំ២០២១ រហូតមកដល់ពេលនេះ មានរយៈពេលប្រមាណជិត៥ខែហើយ។
ក្នុងរយៈពេលប៉ុន្មានខែកន្លងមកនេះ គេសង្កេតឃើញថា ស្នេហារបស់ពួកគេមានរឿងរកាំរកូសតិចតួចជាមួយគ្នាផងដែរ តែនៅតែអាចផ្សះផ្សាគ្នាបានវិញ ហើយលោកប៉ូលិសរូបសង្ហារូបនេះ ដឹងខុសចេះកែ និងធ្លាប់សន្យាមិនធ្វើឲ្យភរិយារបស់ខ្លួនពិបាកចិត្តទៀតនោះឡើយ។
តាំងពីពេលសន្យានោះមក ពួកគេតែងតែបង្កើតភាបផ្អែមល្ហែមជាមួយគ្នា បង្ហាញស្នាមញញឹម សុភមង្គលគ្រួសារ តាមរយៈការបង្ហោះរូបថតជារឿយៗនៅលើបណ្ដាញសង្គមហ្វេសប៊ុក ធ្វើឲ្យអ្នកគាំទ្រឃើញហើយ ពិតជារីករាយចំពោះពួកគេខ្លាំងណាស់។
អ្វី ដែលកាន់តែរីករាយទៀតនោះ, ក្រោយរៀបការបានប្រមាណជិត៥ខែ, នៅក្នុងការឡាយរបស់ខ្លួននារសៀលថ្ងៃទី១២ ខែឧសភា ឆ្នាំ២០២២ អ្នកនាង Love Riyaបានប្រកាសដំណឹងល្អថា ខ្លួនមានកូនហើយ តែមិនទាន់ដឹងកូនប្រុស ឬស្រីនោះឡើយទេ។
ជាមួយនឹងការបង្ហាញលទ្ធផលធ្វើតេស្ដទឹកនោមនោះ អ្នកលក់ឡេដ៏ល្បីរូបនេះ បានបញ្ជាក់ថា ខ្លួនរួមរស់ជាមួយគ្នា១ខែ ម្ដង ឬ២ដងទេ មិនញឹកញាប់ញាប់ឡើយ មនុស្សស្រី តែញឹកញាប់ពេកបាក់សម្រស់ ហើយការមានកូននេះ អត់បានប្រើថ្នាំ អត់មានអស់លុយអ្វីទាំងអស់ ចំពោះទែនទែន ក៏អ្នកនាងប្រើវិធីមួយនេះដែរ។
ទោះយ៉ាងណា Love Riyaមិនអាចប្រាប់រូបមន្តនេះនៅក្នុងការឡាយបាននោះទេ បើទោះអ្នកគាំទ្រជាច្រើន ដែលចង់បានកូន ធ្វើការសួរនាំក៏ដោយ ដោយអ្នកនាងលើកហេតុផលថា ខ្លាចនិយាយទៅ មានគេយកទៅត្រូល វាជាកេរខ្មាសស្ត្រី។
ចំពោះរឿងនេះ Love Riya បង្ហាញបំណងចង់ប្រកាសលេខដើម្បីអ្នកចង់ដឹងឆាតមកដែរ តែលេខលើកមុនតម្លៃ១ពាន់ជាងគេប្រកាសទៅ ប្រើលែងកើត ឥឡូវទិញលេខ៦ពាន់ជាង ជិត៧ពាន់ បើប្រកាសទៀត ដេកលែងកើតតែម្ដង។ ទោះយ៉ាងណា Love Riyaបញ្ជាក់ថា យប់អ្នកនឹងនឹងទិញលេខតម្លៃ១ដុល្លារ ២ដុល្លារ ហើយប្រកាស ដាក់លេខទូរសព្ទបង្កើតជាតេឡេក្រាម ចាំឆាតចូលខ្លួនប្រាប់។
ងាកមកប៉ូលិសរូបសង្ហា លោក ហេង គីមហៀង ក្រោយដឹងដំណឹងនេះភ្លាម រំភើបពេក ដល់ថ្នាក់ជួយលក់ផលិតផលប្រពន្ធលែងកើត ខណៈកន្លងមក អ្នកនាង Love Riyaបញ្ជាក់ថា ប្ដីខ្លួនឲ្យតែឃើញរូបកូនក្មេង ស៊ែរយក ឥឡូវមានកូនខ្លួនឯង៕ ដើម្បីកាន់តែជ្រាបច្បាស់សូមទស្សនាវីដេអូ ខាងក្រោម ៖
