ចុម! សុខ សោ​ម៉ា​វ​ត្តី អាយុ​កាន់តែ​ច្រើន គ្មាន​ពេល​សម្រាប់​រឿង​ប៉ុន្មាន​ចំណុច​នេះ​ទេ ប៉ុន្តែ​ចុងក្រោយ​បែរជា​…

ប្រិយមិត្ត​ បាន​ជ្រាប​រួច​មក​ហើយ​ថា ពិធី​ការិនី រូប​ស្រស់​មានឈ្មោះ ជា​អ្នក​មេម៉ាយ​ក្តៅ​ស្រួយ​ ​អ្នកនាង​សុខ សោ​ម៉ា​វ​ត្តី បច្ចុប្បន្ន នាង​កំពុង​តែ​សាង​សម្ព័ន្ធ​ស្នេហា​ជា​ផ្អែមល្ហែម​ជាមួយ​កីឡាករ លី​វ៉ា ហេ​ទ ហើយក៏​ធ្លាប់​បង្ហាញ​ពី​តម្រុយ​ចូល​រោងការ​ផង​ដែរ​ នាពេល​កន្លងមក​។​

​ទំនាក់ទំនង​រវាង​តារា​ស្រី សុខ សោ​ម៉ា​វ​ត្តី និង​កីឡាករ​បាល់ទាត់ លី វ៉ា​ហេ​ទ រហូតមកដល់​ពេលនេះ នៅតែ​ផ្អែមល្ហែម​ដដែល ប្រៀប​បាន​នឹង​សត្វ​លលក​ញី​ឈ្មោល​អញ្ចឹង​ដែរ​។ ជាក់ស្តែង កាលពី​ថ្ងៃទី​២៤ ខែធ្នូ ឆ្នាំ​២០២០ សុខ សោ​ម៉ា​វ​ត្តី បាន​បង្ហោះ​រូប​យ៉ាង​ផ្អែមល្ហែម​ជាច្រើន​សន្លឹក​ជាមួយគ្នា អម​ដោយសារ​បែបនេះ​ថា​ ៖​

«​តើ​ធ្លាប់​ខឹង​នរណា​ហើយ​សើច​រហូត​អត់ ???ម្នាក់​ដែល​នៅ​ក្នុង​រូប​ហ្នឹង​តែងតែ​លួច​ស្នាមញញឹម និង សុភមង្គល​របស់ខ្ញុំ​ដោយ​មិនដឹង​ខ្លួន​រហូត ហើយ​ខ្លួនឯង​និង​ក៏​ចេះតែ​ព្រម​ អនាគត​ប្ដី​សម្លាញ់​អ្នកណា​និយាយ​អី​ពី​បង​អាក្រក់​អូន​មិន​ខ្វល់​សំខាន់ យើង​សប្បាយចិត្ត ស្រលាញ់គ្នា 4 ឆ្នាំ​ហើយ​តែ​ស្អប់​រឿង​ម្យ៉ាង គឺ​មិន​ចេះ​ធ្វើ​អោយ​ធុញ​សោះ ដឹងចិត្ត​អូន​ចូលចិត្ត​អី មានអី​ថ្មី​គឺថា​មិនអោយ​អូន​យឺត​ជាងគេ​ទេ»។

លុះ​នៅ​ដើមឆ្នាំ​២០២១ សុខ សោ​ម៉ា​វ​ត្តី បាន​បង្ហោះ​រូបថត​ជុំគ្នា​ជាមួយ​កូនស្រី និង​កីឡាករ លី​វ៉ា ហេ​ទ ពោរពេញ​ដោយ​ស្នាមញញឹម មើល​ទៅ​ពិតជា​មាន​សេចក្ដីសុខ សុភមង្គល​ខ្លាំងណាស់ ហើយ​ថ្មីៗ​នេះ​ទៀត ក៏​ដូច​ពេល​កន្លងមក នាង​តែងតែ​បង្ហោះ​រូបថត​កូន បង្ហាញ​ក្ដី​ស្រឡាញ់ ក្នុងនាម​ជា​ម្ដាយ​ដ៏​មាន​ទំនួល​ខុសត្រូវ​នោះ​។​

ងាក​មក​មើល​មុខរបរ​រកស៊ី​រាល់ថ្ងៃ​វិញ សុខ សោ​ម៉ា​វ​ត្តី បាន​ខិតខំ​ខ្លាំង​ណាស់​ដើម្បី​រកលុយ​ឲ្យ​បាន​ច្រើន​នោះ ហើយ​នៅ​ថ្ងៃនេះ នាង បាន​បង្ហោះ​រូបថត​ដ៏​ស្រស់​ស្អាត​របស់ខ្លួន អម​ដោយ​សារ​ដ៏​មាន​អត្ថន័យ ធ្វើ​ឲ្យ​អ្នកគាំទ្រ​ឃើញ​ហើយ​លាន់មាត់​សរសើរ​ទាំង​រូប​សម្រស់ និង​ខ្លឹមសារ​Caption​ដ៏​ទាក់ទាញ​នៅ​ឃ្លា​ចុងក្រោយ​របស់​នាង​នោះ។

សុខ សោ​ម៉ា​វ​ត្តី បាន​បង្ហោះ​សារ​បែបនេះ​ថា «​អាយុ​ច្រើន​ហើយ​គ្មាន​ពេល​គុំ គ្មាន​ពេល​ច្រណែន គ្មាន​ពេល​ស្អប់ គ្មាន​ពេល​ខឹង​អ្នកណា​ទេ បើ​រវល់​តែ​ធ្វើ​រឿង​អស់ហ្នឹង​ពេលវេលា​កាន់តែ​ខើច​ហើយ សប្បាយ​ចិត្តនឹង​អ្វីដែល​យើង​មាន យក​ពេលវេលា​ទៅ​ស្វែងយល់​អ្វីដែល​យើង​ចូលចិត្ត​យ៉ាងពិត​ប្រាកដ រាប់អាន​មិត្ត​ដែលមាន​គុណភាព កុំ​ខ្វល់​សំដី​អ្នកដទៃ រឿង​ដែល​សំខាន់​មួយទៀត​គឺ​អ្នក​ជំពាក់​លុយ​ជួយ​សងលុយ​ផង​ កុំ​យកលុយ​អូន​ទៅ​សើយ​សុខ​ហើយ​ធ្វើ​ភ្លេច ហេ​ហេ​ហេ​»៕

Related posts

Leave a Comment