ប្រិយមិត្តមួយចំនួន បានជ្រាបរួចមកហើយថា តារាចម្រៀង សុវត្ថិឌី ធារិកា បានបាត់បង់លោកអ្នកមានគុណទាំងពីរ ដោយសារគ្រោះ,ថ្នាក់ចរា.ចរណ៍ នៅស្រុកឆែប ខេត្តព្រះវិហារ ប្រហែលម៉ោង៣រសៀល ថ្ងៃទី១៧ ខែឧសភា ឆ្នាំ២០២២ ហើយបច្ចុប្បន្នស.ព តម្កល់ធ្វើបុណ្យតាមប្រពៃណីនៅវត្តស្ទឹងមានជ័យ រាជធានីភ្នំពេញ។
ករណីបាត់បង់អ្នកមានគុណម្ដងដល់ទៅ២នាក់ក្នុងពេលវេលាតែមួយនេះ បានធ្វើឲ្យរំជួយអស់ពិភពសិល្បៈ និងមហាជន ដោយពួកគេម្នាក់ មិនមែនជាសាច់ញាតិផង ពិបាកនឹងទទួលយកចំពោះរឿងនេះប៉ុណ្ណឹងទៅហើយ ចុះទម្រាំសាមីខ្លួនវិញនោះ។
ងាកមកតារាចម្រៀង កុរណាពេជ្រ ដោយក្ដីអាណិតចំពោះ អតីតបេក្ខនារីក្នុងកម្មវិធីប្រឡងចម្រៀងលំដាប់ថ្នាក់ពិភពលោកCambodian Idol រដូវកាលទី១រូបនេះ នោះ ក៏បានសម្រេចទទួលយកលុយចូលបុណ្យពីបងប្អូនគ្រប់ទិសទី ហើយធានាមិនឲ្យបាត់បង់សូម្បី ១០០លុយខ្មែរ។
ករុណាពេជ្រ បានប្រកាសនៅព្រឹកថ្ងៃទី១៧ ខែឧសភា ឆ្នាំ២០២២ ដូច្នេះថា «ខ្ញុំ បាទ នឹងនាំថវិកា ចូលបុណ្យរបស់បងប្អូនគ្រប់ទិសទី ហើយធានាមិនអោយបាត់បង់សូម្បី 100 លុយខ្មែរទេ… ខ្ញុំប្រកាសនេះ មិនទាន់បានសុំសិទ្ធិពីប្អូនស្រី សុវត្ថិ ធិរិកា និង ក្រុមគ្រួសារទេ
ប៉ុន្តែដោយសារអាណិត ហើយឃើញគាត់មាននៅសល់តែពីរនាក់បងប្អូន ហើយម្យ៉ាងទៀត យប់មិញក៏បងប្អូន មិត្តភក្តិ សួររឿងចង់ចូលបុណ្យបច្ច័យបុណ្យស.ព លោកឪពុក អ្នកម្តាយ របស់ប្អូនស្រី ដូច្នេះខ្ញុំក៏សម្រេចចិត្តប្រកាសដើម្បីងាយស្រួលបងប្អូនមិនបានទៅបុណ្យផ្ទាល់ ក៏អាចចូលតាមរយៈខ្ញុំ ខ្ញុំនឹងទៅពិធីបុណ្យផ្ទាល់នាល្ងាចនេះ…
បញ្ជាក់ : ពេលបងប្អូន ចូលបុណ្យតាមរយៈ ABA របស់ខ្ញុំ មួយនេះសូមជួយបញ្ជាក់ថា ជា ថវិកា ចូលបុណ្យក្នុងកំណត់ហេតុ ABA ផងណា…ហើយ ថតស្គ្រីន ABA ដាក់ក្នុង ខមមិន ផងណា ហើយសូមបញ្ជាក់ដាច់ខាតថា ទង្វើខ្ញុំនេះមិនមែនជាការប្រកាសសុំជំនួយទេ គឺ គ្រាន់តែសម្រួលដល់បងប្អូនចង់ចូលបច្ច័យពិតប្រាកដក្នុងពិធីបុណ្យស.ពនេះ ដោយរវល់ការងារ ឬ នៅឆ្ងាយ មិនបានចូលរួមតែប៉ុណ្ណោះ..»។
គួរបញ្ជាក់ថា កាលពីម្សិលមិញ ពេលទទួលដំណឹងភ្លាមៗនោះ ករុណាពេជ្រ បានបង្ហោះសារចូលរួមរំលែកទុក្ខជាមួយនឹងការបង្ហាញអារម្មណ៍ថា «ពេលបងបានដឹងព័ត៌មាននេះ ពិតជារ.ន្ធត់ សោកស្តាយ អាណិតប្អូនស្រី ណាស់…សូមប្អូនស្រី Sovathdy Thearyka រឹងមាំ បងសូមចូលរួមសោកស្តាយផង ឪពុកនិងម្តាយរបស់សុវត្ថិឌី ធារិកា បានបាត់បង់ជីវិតទាំងពីរនាក់ហើយ ក្នុងគ្រោះ,ថ្នាក់ច,រាចរ នៅស្រុកឆែប ខេត្តព្រះវិហារ ….សូមព្រលឹងលោកពូ អ្នកមីង បានទៅកាន់សុគតិភព»៕
