បន្ទាប់ពីទទួលដំណឹងដ៏អកុសលថា ឪពុកម្ដាយរបស់តារាចម្រៀង សុវត្ថិឌី ធារិកា បានទទួលមរណភាព ដោយសារហេតុការណ៍គ្រោះ,ថ្នាក់ចរាចរណ៍យ៉ាងរន្ធ,ត់នោះ ប្រជាពលរដ្ឋខ្មែរ អ្នកលេងបណ្ដាញសង្គមជាច្រើន មានការសោកស្ដាយ និងចូលរួមរំលែកទុក្ខជាមួយក្រុមគ្រួសារនៃសព។
ក្រៅពីបងប្អូនប្រជាពលរដ្ឋនោះ នៅលើបណ្ដាញសង្គមរបស់សិល្បករ សិល្បការិនី ស្ទើរទាំងទូទាំងប្រទេស ក៏បានបង្ហាញអារម្មណ៍តក់ស្លុត និងសោកស្ដាយជាពន់ពេកចំពោះមរណភាពរបស់អ្នកមានគុណកញ្ញា សុវត្ថិឌី ធារិកា ទាំង២ ដោយម្នាក់ៗបង្ហោះសារចូលរួមរំលែកទុក្ខ ក៏ដូចជាលើកទឹកចិត្តដល់រូបនាង។
លើសពីនេះទៀត សិល្បករ សិល្បការិនីជាច្រើនរូប ក្រៅពីចូលរួមរំលែកទុក្ខ តាមបណ្ដាញសង្គមហើយនោះ ពួកគេ ក៏បានទៅចូលរួមរំលែកទុក្ខដោយផ្ទាល់ នៅទីកន្លែងប្រារព្ធបុណ្យ នាវត្តស្ទឹងមានជ័យផងដែរ។
ងាកមក តារាកំប្លែងល្បីឈ្មោះ ពែកមី ដែលបានបង្ហោះសារចូលរួមរំលែកទុក្ខដែរនោះ ពេលបើកហ្វេសប៊ុកប៉ះចំវីដេអូ របស់តារាចម្រៀង សុវត្ថិឌី ធារិកា មិនដល់១នាទីផង រូបនាយក៏បិទចោលវិញ ព្រោះតែទប់ទឹកមិនជាប់ ពេលឮសំឡេងនាងយំ ស្ដាប់ទៅពិបាកទទួលយកនោះ។
ពែកមី បានបង្ហោះសារនៅយប់ថ្ងៃទី១៩ ខែឧសភា ដោយបញ្ជាក់ដូច្នេះថា «ខ្ញុំបើកចំ វីដេអូ សុរត្ថិឌីធារិកា ខ្ញុំមើលមិនដល់1នាទីទេ គឺបិតហើយ ព្រោះទប់ទឹកភ្នែកមិនបាន សំឡេងគាត់យំ គឺស្តាប់ទៅ ពិបាកទទួលយកណាស់ ( ម៉ាក់ខ្ញុំហូរទឹកភ្នែក ) ជូនពរប្អូនស្រី រឹងមាំឡើង ដើម្បីសុខភាព នឹង មើលថែប្អូន»។
គួរបញ្ជាក់ថា ក្រោយពីឪពុកម្ដាយបាត់បង់ជីវិតក្នុងហេតុ,ការណ៍ក្រ,ឡាប់រថយន្តនៅខេត្តព្រះវិហារ កាលពីរសៀលថ្ងៃទី១៧ ខែឧសភា ឆ្នាំ២០២២មក គេសង្កេតឃើញថា តារាចម្រៀង សុវត្ថិឌី ធារិកា យំសោកបោកខ្លួនរហូតវង្វេងវង្វាន់ម្ដងៗ និងខ្សោះទឹកភ្នែកអស់ហើយ។
អ្វី ដែលកាន់តែស្រណោះ និងអាណិតទៀតនោះ ពេលជូនដំណើរឪពុកម្ដាយលើកចុងក្រោយ កាលពីល្ងាចថ្ងៃទី១៩ ខែឧសភា, សុវត្ថិឌី ធារិកា យំស្រែកខ្លាំងៗថា ម្ដាយហូរទឹកភ្នែក ហើយសួរគេ សួរឯងថា ហេតុអ្វីម្ដាយខ្លួនហូរទឹកភ្នែក។ ក្រោយសួរគេឯងហើយ សុវត្ថិឌី ធារិកា សុំគេជូនទឹកភ្នែកឲ្យម្ដាយ ហើយប្រាប់ថា ម៉ាក់ហូរទឹកភ្នែក ម៉ាក់ស្អាតណាស់ ម៉ាក់កុំ អាឡោះអាល័យ កូនណា កូនមើលថែប្អូន ម៉ាក់កុំភ័យ៕ ដើម្បីជ្រាបច្បាស់សូមទស្សនាវីដេអូខាងក្រោមនេះ ៖
