ម៉េចទៅចឹងវិញ! លោក​អ៊ំ ឡុង ធី ច្រៀង​បទ «​ពឺត​» ផ្ទុះ​ការចាប់អារម្មណ៍​ជាថ្មី ប៉ុន្តែ​មាន​រឿង​ហួសចិត្ត​មួយ​កើតឡើង (មានវីដេអូ)

គេ​នៅ​ចាំ​បាន​ថា លោក​អ៊ំ​ប្រុស ម្នាក់ ឈ្មោះថា ឡុង ធី ច្រៀង​បទ «​ស្មោះ​យូរ​ម៉េច​ស្ទាវ​» បានធ្វើ​ឲ្យ​អ្នកលេង​បណ្ដាញ​សង្គម​ហ្វេ​ស​ប៊ុ​ក​មួយចំនួន មានការ​ចាប់អារម្មណ៍ ម្ដង​រួចមកហើយ ក្រោយពី​វីដេអូ​លោក​អ៊ំ​ឡើង​ច្រៀង​បទ​នេះ ត្រូវបាន​ឆា​នែ​ល ​យូ​ធូប​ឈ្មោះ​«​តន្ត្រី នាយ​សង្ហា​» យកទៅ​បង្ហោះ​កាលពី​ថ្ងៃទី​២២ ខែឧសភា ឆ្នាំ​២០២០។

ជាមួយគ្នានេះ វីដេអូ លោក​អ៊ំ ចម្រៀង​បទ​ខាងលើនេះ ក៏ត្រូវ​បាន គណនី​ហ្វេ​ស​ប៊ុ​ក ឈ្មោះ «Nek Propun Somlanh» យកទៅ​បង្ហោះ កាលពី​ថ្ងៃទី​៦ ខែកក្កដា ឆ្នាំ​២០២០ ធ្វើ​ឲ្យ​មានការ​ចាប់អារម្មណ៍​បន្ថែមទៀត​ផងដែរ។

នៅពេលនោះ មិន​ត្រឹមតែ​អ្នកលេង​បណ្ដាញ​សង្គម​ហ្វេ​ស​ប៊ុ​កមាន​ការចាប់អារម្មណ៍​នោះ​ទេ សូម្បីតែ​គេហទំព័រ​អន​ឡាញ​មួយចំនួន​ក៏​ចាប់អារម្មណ៍ យកទៅ​សរសេរ​ព័ត៌មាន បង្ក​ឲ្យ​មានការ​ចាប់អារម្មណ៍​បន្ថែមទៀត​ផងដែរ ដោយសារតែ​លោក​អ៊ំ​ចាស់​ក៏ពិតមែន តែ​ការ​ច្រៀង ជាមួយនឹង​ក្បាច់​រាំ​មិនធម្មតា។

ដោយឡែក កាលពីពេល​ថ្មីៗ​កន្លងទៅនេះ លោក​អ៊ំ បាន​ច្រៀង​ចម្រៀង​មួយ​បទ​ទៀត ដែលជា​បទ​ល្បី​កក្រើក​ប្រទេស មាន​ចំណងជើង​ថា «​ពឺត​» បង្ក​ឲ្យ​មានការ​ចាប់អារម្មណ៍​សាជាថ្មី ក្រោយពី​ត្រូវ​ឆា​នែ​ល​ខាងលើ​យក​ទៅ​បង្ហោះ​ កាលពី​ថ្ងៃទី​២៧ ខែឧសភា ឆ្នាំ​២០២១ ហើយក៏​ត្រូវ​គណនី​ហ្វេ​ស​ប៊ុ​ក​ឈ្មោះ​«Nek Propun Somlanh» យកទៅ​បង្ហោះ​បន្ត​ទៀត​ផងដែរ។

តាមរយៈ​វីដេអូ​បទ «​ពឺតៗ​»​បកស្រាយ​ដោយ​លោក​អ៊ំ​ខាងលើនេះ បានធ្វើ​ឲ្យ​អ្នកលេង​បណ្ដាញ​សង្គម​លើកសរសើរ​ថា «​ចាស់​ទៅ​សប្បាយ​ប៉ុន​គាត់​បាន​ហើយ។ ជូនពរ​គាត់ សុខភាព​ល្អ និង អាយុ​វែង​, ពីរោះ​ណាស់​លោក​អ៊ំ​, លោកតា​ច្រៀង​ឡូយ​ក​ប់​, សប្បាយ​ច្រើន​កើន​អាយុ​, សរសើរ​គាត់​ចាស់​ហើយ​ច្រៀង​បាន​»​។​

ទោះយ៉ាងណា ការ​ច្រៀង​របស់លោក​អ៊ំ​ក៏មាន​មតិ​មួយចំនួន​ធ្វើការ​រិះគន់ ជាមួយនឹង​ការសម្ដែង​អារម្មណ៍​ហួសចិត្ត​ថា «​ឈប់​បាន​ឈប់​ទៅ វា​មិនល្អ​ទេ ជោរ​ពេក​ហើយ​, ហួស សម័យ​ហើយ​តា បុណ្យទាន​អត់​ធ្វើ​ទេ​ហី​, សរសើរ​គាត់​ពេក​គាត់​ជោរ​តើ​លែង​អៀន​ហើយ​ហ្នឹង​, ឈប់​បាន​ឈប់​ទៅ​តា​ចាស់​ខ្មាស​គេ​ផង​, ឡប់​គ្រឿង វ័យ​រក​ធម៌​អារ​ជា​គំរូ​ដល់​កូនចៅ បែរជា​ទៅជា​ឡប់​លើ​ឆាក​ចឹ​ង ខួរក្បាល​កំពុង​គិត​អី​»​។​

ឆ្លើយតប​នឹង​ការរិះគន់​នោះ មានមតិ​មួយចំនួន​លើកឡើង​តប​ទៅវិញ​ថា «​បើ​​តាម​ខ្ញុំ​មានតែ​សប្បាយចិត្ត​ពេល​ឃើញ​គាត់​សប្បាយ អ៊ីចឹង​អ្នក​រិះគន់​មួយ​ចំនួន​ពេលខ្លះ​មិនបាន​ពិចារណា​ឃើញ​ភ្លាម​រិះគន់​ភ្លាម ​មិន​គិតគូរ​មុខក្រោយ ខ្ញុំ​ឧទាហរណ៍​មួយ មាន​ពេល​មួយ​លោកតា​ម្នាក់​ជា​លោកគ្រូ​ចម្រៀង ​ឡើង​ច្រៀង មួយៗ​រិះគន់​គាត់​មួយ​ចាស់ដៃ តែ​មិន​ដឹង​សព្វថ្ងៃ​គាត់​ជា​អ្នកណា

មិន​ខ្វះ​ទេ​តារាចម្រៀង​មាន​អាយុ​ច្រើន​ច្រៀង​សព្វថ្ងៃ តែ​ពេលខ្លះ​មាន​អ្នក​ស្គាល់ តែ​មួយ​ចំនួនទៀត​គេ​មិនសូវ​ស្គាល់​ឃើញ​គាត់​ច្រៀង​រិះគន់​យក​តែ​ម្ដង សូម​អរគុណ​ច្រើ​ន​មតិយោបល់​របស់ខ្ញុំ​មានតែ​ប៉ុណ្ណឹង បើ​មាន​ពាក្យ​ពេជ្រ​សម្ដី​ត្រង់ណា​មិន​សមរម្យ​សូម​អធ្យាស្រ័យ​ផង​បាទ,

ស្អប់​អា​អ្នក​ពូកែ​ទើស​គេ​ដល់​ហើយ​អា​អ្នក​ទើស​គាត់​នឹង​ធ្វើបាន​ដូច​គាត់​អត់​មនុស្ស​គ្រប់រូប​កើត​ចាស់​ឈឺ​ស្លា ប់​មិនដឹង​ថ្ងៃ​ណា​មិន​ថា​ក្មេង​ឬ​ចាស់​សប្បាយ​ទាន់​មានជីវិត​នៅ សាង​បុណ្យ​និង​ទាន​ធ្វើអំពើ​ល្អ​ទៅ​កុំ​ដើរ​ទើស​គេ​ពេក​, ចង់ឲ្យ​​​គាត់​ឡើងត្នោត​បាន​ពេញ​ចិត្ត​មែន​ទេ​អ្នក​រិះ​គន់​គាត់​ពិចារណា​ផង​»៕


Related posts

Leave a Comment