តារាសម្ដែង សារ៉ាយ សក្ខណា កាពីថ្ងៃទី១៦ ខែមីនា ឆ្នាំ២០២១នេះ បានធ្វើវីដេអូមួយ បង្ហោះ នៅលើគណនីហ្វេសប៊ុករបស់ខ្លួន បង្ហាញពីការចាក់ថ្នាំការពារកូវីដ-១៩ នៅសហរដ្ឋអាមេរិក ភ្ជាប់ជាមួយខ្លឹមសារជូនពរដល់ប្រជាជនកម្ពុជា។
នៅក្នុងវីដេអូនោះ សក្ខណា បានរៀបរាប់ថា «ចា៎ឥឡូវខ្ញុំមកដល់កន្លែងចាក់ហើយ ហើយកន្លែងដែលយើងចាក់ថ្នាំហ្នឹងមិនមែននៅក្នុងមន្ទីរពេទ្យទេ គឺគេធ្វើនៅខាងក្រៅវិញ ហើយកន្លែងដែលខ្ញុំត្រូវចាក់ហ្នឹង គេធ្វើនៅកន្លែងវាលយន្តហោះចា៎»។
អ្នកនាង បានបន្ថែមថា «អ្នកទំាងអស់គ្នាប្រាកដជាឆ្ងល់ថា ហេតុអីបានជាគេអត់ចាក់ថ្នាំក្នុងមន្ទីរពេទ្យ ដោយសារតែយើងចាក់ខាងក្រៅ គឺគេរក្សាសុវត្ថិភាពឲ្យយើង ហើយការចាក់ថ្នាំនេះ យើងអត់មានចុះពីលើឡានទេ គឺយើងនៅក្នុងឡាន ហើយគេមកចាក់ឲ្យយើងនៅក្នុងឡានតែម្តង ចា៎បន្ទាប់មកគឺគេសួរ…»។
តារាសម្ដែងរូបនេះ បានបញ្ជាក់ដែរថា ក្រោយការចាក់ភ្លាមៗនោះ គេមិនទាន់ឲ្យយើងទៅផ្ទះនោះឡើយ រង់ចាំរហូតដល់រយៈពេល១៥នាទី ថាតើយើងមានអាការៈអ្វីអត់ បើគ្មានទេ ទើបគេអនុញ្ញាតឲ្យយើងទៅ។
បង្ហោះភ្ជាប់ជាមួយនឹងវីដេអូរៀបរាប់ខាងលើនេះ សារ៉ាយ សក្ខណា បានសរសេរCaptionជូនពរប្រជាជនកម្ពុជា ថា «នេះគឺជាការចាក់វ៉ាក់សាំង covid19 លើកទីមួយរបស់ខ្ញុំ ឥឡូវនេះនៅក្នុងប្រទេសកម្ពុជា កំពុងតែមានការឆ្លងជំងឺនេះច្រើន ដូច្នេះនាងខ្ញុំ ក៏សូមជូនពរ ដល់ប្រជាពលរដ្ឋខ្មែរទាំងអស់ ឲ្យមានសុខភាពល្អ ចៀសផុតពីជំងឺដ៏កាចសាហាវនេះ
ជាពិសេសបងៗ ដែលមានជំងឺនេះហើយ សូមឱ្យឆាប់ជា ហើយយើងចូលរួមប្រយ័ត្នទាំងអស់គ្នា ថែទាំសុខភាពទាំងអស់គ្នា កុំភ្លេចណាពាក់ម៉ាស ពេលទៅណា មកណា ហើយលាងដៃ អោយបានញឹកញាប់»៕ សូមទស្សនា វីដេអូខាងក្រោមនេះ ៖
