Day: December 9, 2022

ថ្មីៗនេះ អ្នកលេងបណ្តាញសង្គមហ្វេសប៊ុកជាច្រើន បាន និង កំពុងស្រឡាំងកាំងផ្ទុះការចាប់អារម្មណ៍យ៉ាងខ្លាំង ក្រោយពីមានគេទម្លាយដំណឹងរបស់តារាប្រុស និង ជាពិធីករ ប៉ែន ចំរុង ថាត្រូវតុលាការសម្រេចផ្តន្ទាទោសជាប់ពន្ធនាគារ ១០ ខែ និង ពិន័យជាទឹកប្រាក់ ៦០ លានរៀល ក្នុងករណីបរិហារកេរ្តិ៍។ តាមសារដែលគេទម្លាយនោះដែរ គេបានរៀបរាប់ថា ៖ «តុលាការបានសម្រេចផ្តន្ទាទោសតារាសម្តែង និង ពិធីករ លោក ប៉ែន ចំរុង និង បុគ្គលមួយរូបទៀត ឈ្មោះ ង៉ាន់ ពិសី ដាក់ពន្ធនាគារក្នុងម្នាក់ៗកំណត់រយៈពេល ១០ ខែ និង ពិន័យជាប្រាក់ក្នុងម្នាក់ៗចំនួន ១ លានរៀល ចូលជាថវិការដ្ឋពីបទបរិហារបង្កាច់កេរ្តិ៍ ប្រព្រឹត្តនៅរាជធានីភ្នំពេញ កាលពីអំឡុងឆ្នាំ ២០២១ បទល្មើសដែលមានចែងឱ្យផ្តន្ទាទោសតាមបញ្ញត្តិ មាត្រា ៣១១ និង មាត្រា ៣១២ នៃក្រមព្រហ្មទណ្ឌ។ ហើយបង្គាប់ឱ្យឈ្មោះ ប៉ែន ចំរុង និង ឈ្មោះ ង៉ាន់ ពិសី រួមគ្នាសងសំណងទៅឱ្យដើមបណ្តឹងឈ្មោះ គាន ណារិត…

អានបន្ត

នៅថ្ងៃទី ០៨ ខែធ្នូ ឆ្នាំ ២០២២ នេះ មហាជនអ្នកគាំទ្រ ក៏ដូចជាអ្នកសិល្បៈបានសម្ដែងនូវអារម្មណ៍ស្លុតចិត្ត និង ការសោកស្ដាយជាមួយតារាចម្រៀងស្រី ឈិន ម៉ានិច្ច យ៉ាងខ្លាំង ដែលនាងកំពុងជួបទុក្ខធំបាត់បង់មនុស្សជាទីគោរពស្រឡាញ់ក្នុងជីវិតគ្មានថ្ងៃត្រឡប់ គឺលោកប៉ាបង្កើតរបស់នាងបានទទួលមរណភាព។ នេះបើតាមបណ្ដាញសង្គមហ្វេសប៊ុករបស់តារាចម្រៀងស្រី ឈិន ម៉ានិច្ច ដែលបានប្ដូររូបប្រូហ្វាល់កាន់ទុក្ខភ្ជាប់ ជាមួយសាររៀបរាប់យ៉ាងរំជួលចិត្តថា ៖ «ប៉ា កូនទៅផ្ទះយើងវិញហើយ»។ ក្រោយទទួលដំណឹងមរណភាពដ៏ក្រៀមក្រំនេះ មហាជន ក៏ដូចជាអ្នកសិល្បៈបានបង្ហាញការសោកស្ដាយជាពន់ពេក ព្រមទាំងបានចូលរួមរំលែកទុក្ខដល់កញ្ញា និង ក្រុមគ្រួសារជាបន្តបន្ទាប់ផងដែរ៕

អានបន្ត

ជឿថាប្រិយមិត្តច្បាស់ជាស្គាល់ជាក់ជាពុំខានតារាសម្ដែងប្រុសរូបសង្ហាលោក Ken Phupoom ដែលជាតារាប្រុសម្នាក់មានសមត្ថភាពសម្ដែងល្អ និង មានការគាំទ្រខ្លាំងពីសំណាក់មហាជនក្នុង និង ក្រៅស្រុក។ បច្ចុប្បន្នតារាប្រុសរូបនេះកំពុងតែមានទំនាក់ទំនងស្អិតល្មួតជាមួយនឹងតារាស្រី Esther ដែលជារឿយៗពួកគេតែងតែបង្ហាញពីភាពផ្អែមល្ហែមលើបណ្ដាញសង្គមពុំសូវជាដាច់នោះទេ រហូតធ្វើឱ្យមហាជនទន្ទឹងរង់ចាំតែថ្ងៃរៀបការតែប៉ុណ្ណោះ។ និយាយពីតារាប្រុស Ken ពេលនេះលោកបានចាកចេញពីស្ថានីយទូរទស្សន៍ ប៉ុស្តិ៍លេខ ៣ ហើយ ដោយត្រឡប់ទៅធ្វើជាតារាសម្ដែងឯករាជ្យវិញ។ ដ្បិតជាមនុស្សម្នាក់ដែលចូលចិត្តលើវិស័យសិល្បៈក៏ពិតមែន តែអ្នកកំលោះ Ken នៅមិនបោះបង់ការសិក្សាដែរ។ ថ្មីៗនេះ គេឃើញថា តារាប្រុស Ken បានបង្ហាញរូបភាពជាច្រើនសន្លឹកនៅប្រទេសអង់គ្លេស។ ទន្ទឹមនឹងការចាកចេញទៅក្រៅប្រទេសនេះដែរ អ្នកកំលោះ Ken ធ្វើដំណើរទៅតែម្នាក់ឯងប៉ុណ្ណោះ ចំណែកសង្សារបស់លោក នាង Esther នៅធ្វើការក្នុងប្រទេសថៃជាធម្មតា។ បើនិយាយពីពេលវេលាវិលត្រឡប់ទៅប្រទេសកំណើតវិញតារាប្រុសរូបនេះក៏ពុំទាន់បង្ហើបដែរថាខ្លួនត្រឡប់ទៅពេលណានោះឡើយ តែខណៈនេះគេឃើញថា Ken កំពុងតែមានក្ដីសុខខ្លាំង អំឡុងពេលនៅប្រទេសអង់គ្លេសនេះ ព្រោះមួយថ្ងៃៗ Ken តែងបង្ហោះរូបភាពសកម្មភាពផ្សេងៗរបស់ខ្លួនលើបណ្ដាញសង្គមអ៊ីនស្តាក្រាមរហូត៕

អានបន្ត

ប្រិយមិត្តមួយចំនួនប្រាកដជាបានស្គាល់រួចមកហើយនៅតារាសម្ដែង និង ចម្រៀងប្រុសវ័យក្មេង ថៃ អតិជាតិបុត្រ ដែលមួយរយៈកន្លងទៅលោកបានបាត់មុខប្រមាណជា ២ ឆ្នាំពីសិល្បៈ ដោយហេតុ អតិជាតិបុត្រ ធ្លាប់បានលើកឡើងថា លោកជាប់ដុសខាត់ សំលៀងសមត្ថភាពដើម្បីវិលត្រឡប់ចូលសិល្បៈវិញ។ យ៉ាងណាមិញ កាលពីរាត្រីថ្ងៃទី ០៧ ខែធ្នូ ឆ្នាំ២០២២ កន្លងទៅយោងតាមគណនីហ្វេសប៊ុកផ្ទាល់ខ្លួនរបស់តារាប្រុសរូបនេះ បានធ្វើការបង្ហោះរូបភាពមួយសន្លឹក រៀបរាប់ពីជីវិតរបស់អ្នកដទៃក្នុងវ័យ ២១ ឆ្នាំដែលមានសំណាង បានចាយលើគំនរទ្រព្យរបស់ឪពុកម្ដាយរបស់ពួកគេ ប៉ុន្តែលោកបែរជាប្តេជ្ញាថា ដាច់ខាតមិនចាយទ្រព្យដែលមិនកើតពីបាតដៃរបស់ខ្លួនឯងនោះទេ ទោះឧបសគ្គបែបណាក៏ដោយ។ តាមរយៈការបង្ហោះនោះដែរ អតិជាតិបុត្រ បានរៀបរាប់បន្ថែមទៀតថា៖ «ចិត្តកូនប្រុស ក្បាលទល់មេឃ ជើងជាន់ដី គ្មានអ្វីដែលធ្វើមិនបានទេ វាសនាមនុស្សអាស្រ័យលើការសេពគប់ នៅក្បែរអ្នកខ្លាំង បើមិនបានខ្លាំង ក៏អាចក្លាយទៅជាជំនិតរបស់អ្នកខ្លាំងដែរ»៕

អានបន្ត

ជារឿងធម្មតាទៅហើយ ដែលតារាសម្ដែង​សម្បូរទៅ​ដោយ​ប្រជាប្រិយភាព និង មានឥទ្ធិពលខ្លាំង​អាចទាក់ទាញ​បានចិត្តទស្សនិកជន​ឱ្យចង់ទស្សនានៅក្នុងប្រទេសចិន អាចទទួលបានតម្លៃខ្លួនខ្ពស់ៗក្នុងការថតផ្សាយពាណិជ្ជកម្ម ឬថតខ្សែភាពយន្តផ្សេងៗ។ តួយ៉ាង បើតាមការចុះផ្សាយរបស់សារព័ត៌មានចិន បានទម្លាយពីតម្លៃខ្លួនរបស់តារាស្រីហុងកុងដែលមានអាយុច្រើនហើយ ប៉ុន្តែនៅតែ​ទទួលបាន​តម្លៃខ្ពស់ ​ក្នុងការសម្ដែង​រឿង​ភាគ និង បង្ហាញខ្លួន​ចូលរួមក្នុងព្រឹត្តិការណ៍​ផ្សេងៗ ថែមទាំងទទួល​បានការគាំទ្រខ្លាំង​ពីសំណាក់​អ្នកគាំទ្រគ្រប់ស្រទាប់។ ក្នុងនោះ គេបានរកឃើញឈ្មោះរបស់​តារាសម្ដែង​ស្រី Charmaine Sheh ដែលតារា​ស្រីរូបនេះ​​​បាន​​សម្ដែង​​នៅ​​ក្នុង​​​រឿង​​ភាគ​បុរាណ ​​​«Beyond ​the ​Realm ​of Cons​cie​nce» ក្នុង​ឆ្នាំ ២០០៩ ទទួលបាន​ការពេញចិត្ត​​យ៉ាង​​ខ្លាំង​​​ពី​ទស្សនិក​​ជន​។ រឿងដែលមហាជនបើកភ្នែកធមៗ គ្រាន់តែតារាស្រីវ័យ ៤៧ ឆ្នាំរូបនេះ បង្ហាញខ្លួន​ចូល​រួម​​ក្នុងកម្មវិធីមួយលើក គឺអាចទទួលបានតម្លៃខ្លួនខ្ពស់ខ្លាំង គឺខ្ទង់ ១០០ ០០០ ដុល្លារសិង្ហបុរី ដែលប្រ​មាណ​ជិត ​៨០​ ០​០០ ​ដុល្លារ​អារមេរិកឯណោះ ហើយនេះគឺជា​តម្លៃខ្ពស់ជាងគេ ​បើធៀបនឹងតារាស្រី​ហុងកុងល្បីៗ​ដទៃទៀត៕​​

អានបន្ត