កាលពីថ្ងៃទី៦ ខែមីនា ឆ្នាំ២០២៣ អ្នកស្រី ទ្រីដាណា បានបង្ហោះសារយ៉ាងភ្ញាក់ផ្អើល ដោយប្រកាសឈប់ផ្សាយពីវប្បធម៌របស់ខ្មែរនៅថ្ងៃសង្ក្រាន្ត ដែលខ្លួនរៀបចំ ដោយអ្នកស្រី លើកហេតុផលថា គ្រាន់តែសុំច្បាប់ថតរូបបែបប្រពៃណី និង វប្បធម៌នៅអង្គរ២ឈុតសោះ វេទនាដូចទៅសុំភ្លើងយក្ស។ ក្រោយពីមានការលើកឡើងបែបនេះ អ្នកស្រី ម៉េង កុសុម៉ា តំណាងក្រសួងវប្បធម៌ ក៏បានបង្ហោះសារ ធ្វើការលើកបញ្ជាក់ជំហរថា «ក្រសួងវប្បធ៌ម ពិតជាមិនបានបង្កការលំបាកអ្វីទៅដល់លោកស្រីក្នុងការស្នើសុំថតរូបភាពផ្សព្វផ្សាយនៅតំបន់ប្រាសាទអង្គរនោះទេ។ ក្រសួងគ្រាន់តែតម្រូវអោយមានការឆ្លងជូនសាស្ត្រាចារ្យតាមជំនាញសិន សុំត្រួតពិនិត្យជាមុន ថាតើការស្លៀកពាក់ និងការតុបតែងគ្រឿងអលង្ការតាមបែបបុរាណរចនាបថអង្គររបស់ក្រុមលោកស្រីរៀបចំនោះតើត្រឹមត្រូវដែរឬទេ? ហើយរូបភាព ដែលបំរុងនឹងលើកយកទៅផ្សព្វផ្សាយទៅគ្រប់ទិសទីនោះ វាខុសឬត្រូវ ឆ្គាំឆ្គងកំរិតណា? ដើម្បីជៀសវាងមតិរិះគន់ពីមហាជនផង ហើយក៏ដើម្បីជាការចងចាំមួយដ៏ត្រឹមត្រូវសម្រាប់អ្នកជំនាន់ក្រោយកុំអោយវង្វេងយល់ខុសព្រោះតែការផ្សព្វផ្សាយនេះ ដែលមិនបានសិក្សាស្រាវជ្រាវអោយបានច្បាស់លាស់ថាមួយណាជារបស់ខ្មែរ? មួយណាជារបស់អ្នកជិតខាងយើង?។ ក្រុមការងារត្រួតពិនិត្យទៅ ក៏បានឃើញមានកំហុសឆ្គងពិតមែន! ប៉ុន្តែដោយការយោគយល់ ចង់លើកទឹកចិត្តដល់កូនខ្មែរដែលស្រលាញ់ គាត់មានចិត្តចង់ចូលរួមចំណែកក្នុងការជួយផ្សព្វផ្សាយពីវប្បធ៌មរបស់ខ្លួនផង ម្យ៉ាងគាត់បានផលិត និងធ្វើវារួចហើយផង យើងក៏បានត្រឹមសំណូមពរអោយមានការកែប្រែចំណុចខ្លះៗដូចជា ក្បាច់? ម្កុដធំខ្ពស់ពេក អលង្ការស្អេកស្កះពេក រហូតបាត់រាងរៅដងខ្លួនដ៏ល្អស្អាតរបស់តួអស់…!។ នៅពេលនោះក្រុមការងាររបស់លោកស្រី ក៏យល់ព្រមទទួលថា នឹងធ្វើការកែរប្រែដែរ។ ប៉ុន្តែ មកដល់ថ្ងៃនេះក្រសួងនៅមិនទាន់បានទទួលរូបថ្មី គឺរូបភាពដែលបានកែររួចនៅឡើយទេ។ជាបទពិសោធន៍ ក្រសួងវប្បធ៌មតែងត្រូវទទួលរងមតិរិះគន់ពីមជ្ឈដ្ឋានខាងក្រៅថា បណ្ដោយ មិនមើល មិនណែនាំ មិនហាមឃាត់……
អានបន្តខ្លាំងប៉ះខ្លាំង! ក្រោយអ្នកស្រី ម៉េង កុសុម៉ា តំណាងក្រសួងវប្បធម៌បកស្រាយ , អ្នកស្រី ទ្រី ដាណា ថា អត់ស្គាល់ ហើយតបទៅវិញទាំងយប់ថា…
