មហាជន ភ្ញាក់ផ្អើល ពេលឮថា អគ្គិភ័យ ឆាបឆេះ ព្រះរាជដំណាក់ព្រះមហាក្សត្រនៅសៀមរាប នៅយប់ថ្ងៃទី១២ ខែមីនា ឆ្នាំ២០២៣នេះ មហាជន បានធ្វើការចែករំលែកព្រោងព្រាត ក្រោយពីទទួលបានដំណឹងថា ព្រះរាជដំណាក់ព្រះមហាក្សត្រនៅសៀមរាប កំពុងត្រូវបានភ្លើងឆេះសន្ធោសន្ធៅនោះ។ ជាក់ស្ដែង រដ្ឋមន្ត្រីក្រសួងព័ត៌មាន ឯកឧត្ដម ខៀវ កាញារីទ្ធ បានស៊ែរផុសមួយរបស់គណនីហ្វេសប៊ុកឈ្មោះ «Zuzana Sok» ដោយផុសនោះ បានសរសេរជូនដំណឹងយ៉ាងខ្លីនៅម៉ោង១០និង៥៩នាទី ថា «ព្រះរាជដំណាក់ព្រះមហាក្សត្រនៅសៀមរាប កំពុងឆេះសន្ធោសន្ធៅណាស់នៅពេលនេះ កូនចៅសូមបន់ដល់តេជ:បារមីស្វ័យឆ័ត្រ វត្ថុស័ក្កសិទ្ឋលើទឹកដីមហារអង្គរប្រទានភ្លៀងឲ្យខ្លាំងមក។ ក្រោយមក គណនីហ្វេសប៊ុកខាងលើនេះ បានប្រាប់នៅក្នុងខំមិននៅវេលាម៉ោង១១និង៣២នាទីថា អគ្គិភ័យបានរលត់វិញហើយ។ តែ រហូតមកដល់ពេលនេះ ឃើញមានការចែករំលែកព័ត៌មាននេះ ព្រោងព្រាត ខណៈអ្នកលេងបណ្ដាញសង្គម បានត្រឹមបង្ហាញការសោកស្ដាយ និងបួងសួងឲ្យឆាប់រលត់ទៅវិញនោះ។ ជុំវិញករណីនេះ បើការសរសេររៀបរាប់ខាងលើថា ជាការឆេះ ព្រះរាជដំណាក់ព្រះមហាក្សត្រ។ តែ បើតាមគេហទំព័រដើមអំពិល បានផ្សាយមុនពេលរលត់ថា «នៅរាត្រីថ្ងៃទី១២ ខែមីនា ឆ្នាំ២០២៣នេះ មានករណីអគ្គីភ័យមួយ បានឆាបឆេះទីតាំង មួយកន្លែង ក្បែរព្រះរាជដំណាក់ព្រះមហាក្សត្រនៅសៀមរាប។ ខណៈពេលនេះសមត្ថកិច្ច និងមន្រ្តីជំនាញ កំពុងសហការពន្លត់។»៕
អានបន្តក្ដៅៗ! មហាជន ផ្អើលទាំងយប់ ពេលឮថា អគ្គិភ័យ ឆាបឆេះ ព្រះរាជដំណាក់ព្រះមហាក្សត្រនៅសៀមរាប
