នោះ! ស្ត្រី​ថៅកែ​ឡេ ប្រតិកម្ម​ធ្ងន់​ៗ​ទៅ​ម្ចាស់​ការ៉ាស់​ និង​អ្នក​ស៊ែរ ឲ្យ​យក​ខួរ​គិត​ផង ព្រោះ​ថា…(មានវីដេអូ)

គេ​នៅ​ចាំ​បាន​ថា កាល​ព្រឹក​ថ្ងៃទី​១៣ ខែមិថុនា ឆ្នាំ​២០២២ ក្រសួងពាណិជ្ជកម្ម បានចេញ​សេចក្តីជូនដំណឹង​ស្ដីពី តម្លៃ​លក់រាយ​ប្រេងឥន្ធនៈ​ថ្មី ដែល​ត្រូវអនុវត្ត ចាប់ពី​ថ្ងៃទី​១១ ដល់​ថ្ងៃទី​២០ ខែ មិថុនា ឆ្នាំ​២០២២ ដោយ​ក្នុង​នោះ – ម៉ា​ស៊ូ​ត ៦ ១០០​រៀល ក្នុង​មួយ​លីត្រ – សាំង​ធម្មតា ៥ ៨០០ រៀល ក្នុង​មួយ​លីត្រ។

ស្របពេល​ក្រសួង​ចេញ​តម្លៃ​ប្រេងឥន្ធនៈ​ថ្មី មិនទាន់បាន​ប៉ុន្មាន​ម៉ោង​ផង ស្រាប់តែ ទំព័រ​ហ្វេ​ស​ប៊ុ​ក​ឈ្មោះ «TotalEnergies ChhukVa តូ​តា​ល់​អេ​នើ​ជី ឈូក​វ៉ា​» បាន​ទម្លាយ​រូបថត​អតិថិជន​របស់​ខ្លួន​ជាច្រើន​សន្លឹក ដែល​ចាក់​សាំង​ហើយ​ មិន​ទូទាត់​លុយ​ឲ្យ​នោះ ធ្វើ​ឲ្យ​មានការ​ចាប់អារម្មណ៍​ជាខ្លាំង។

បង្ហោះ​ភ្ជាប់​ជាមួយ​រូបថត​ម្ចាស់​រថយន្ត ជានា​រី​ដ៏​ស្រស់​ស្អាត​នៅ​រសៀល​ថ្ងៃទី​១៣ ខែមិថុនា​នេះ ទំព័រ​ហ្វេ​ស​ប៊ុ​ក​ខាងលើ​ បាន​ទទូច​ថា «​សូម​អញ្ជើញ​អ្នកនាង​ដ៏​ស្រស់​ស្អាត​ដែល​បើកឡាន​ស្លាក​លេខ កម្ពុជា CH.TREA9 ដែល​បាន​ចាក់​សាំង​នៅ​ស្ថានីយ TotalEnergies ChhukVa សូម​មក​ទូទាត់​ថ្លៃ​សាំង 40$ ដែល​បាន​ចាក់​នៅ​ថ្ងែ​ទី 13/06/2022 វេលា​ម៉ោង 12:17​នាទី​ថ្ងៃត្រង់​»​។​

ទោះយ៉ាងណា អ្នកលេង​បណ្ដាញ​សង្គម​ហ្វេ​ស​ប៊ុ​ក​មួយចំនួន ​បាន​ស្នើ​ដល់​ម្ចាស់​ស្ថានីយ​ប្រេង​ឥន្ធនៈ​ខាងលើ​ថា «​សុជីវធម៌​ក្នុងនាម​ជា​អ្នករកស៊ី​សំខាន់​ណាស់ ទាស់ខុស​អី បិទបាំង​ស្លាក​លេខ​រថយន្ត​គេ​សិន​ទៅ បើ​គេ​មិន​ទៅ​បង់ ឬ​រក​ម្ចាស់​មិនឃើញ ចាំ​បង្ហាញ​ទូទៅ ព្រោះ​ជួនកាល​អាច​ថា​គាត់​ភ្លេច ជា​កំហុស​ដោយ​អចេតនា​កើតឡើង​ក៏​ថា​បាន​។

ខ្ញុំ​ខ្លួនឯង​ក៏​ធ្លាប់​ដែរ ម្ចាស់កា​រ៉ា​ស់​ក៏​មិន​បង្ហោះ ប៉ុន្តែ​គាត់​ទុកពេល​ឱ្យ​៣​ថ្ងៃ បើ​មិន​ទៅ​បង់ គាត់​នឹង​បង្ហោះ​លើកទីមួយ ដោយ​បិទបាំង​ស្លាក​លេខ និង​មុខ រួច​គាត់​ទុកពេល​ឱ្យ​៥​ថ្ងៃ ប​ល​ក្នុងពេល​៥​ថ្ងៃ​អត់​ឃើញ​ទៅ​បង់​ទៀត ទើប​គាត់​បង្ហោះ​ស្លាក​លេខ​ឡាន ដើម្បី​រក​ម្ចាស់​។​ ភាគី​កា​រ៉ា​ស់​ធ្វើបែបនេះ​មិន​សម​ទាល់តែសោះ កិត្តិយស​គេ​សំខាន់​ណាស់ កា​រ៉ា​ស់​បែប​នេះ ខ្ញុំ​ស្បថ មិន​ចូល​ចាក់​អស់​មួយជីវិត​»។

ងាកមកស្ត្រីខាងលើនោះវិញ ក្រោយឃើញការបង្ហោះខាងលើ និងមានអ្នកបញ្ចេញមតិ ជាមួយនឹងការស៊ែរព្រោងព្រាតនោះ បានឡាយវីដេអូ ប្រតិកម្មធ្ងន់ៗថា «ខ្លួនអត់វេរលុយ ដោយសារចង់ជួបផ្ទាល់, ម្ចាស់ការ៉ាស់សាំងនឹងចង់ល្បី បើមិនចង់ល្បីមិនមែនយកគេមកធ្វើប្រធានបទ ពេញបណ្ដាញសង្គមនោះទេ។ ត្រឹមលុយ៤០ដុល្លារ យកទៅធ្វើប្រធានបទឲ្យខ្លួនខូចឈ្មោះ ហើយអ្នកបញ្ចេញបញ្ចូលយោបល់ អ្នកយកគេទៅធ្វើប្រធានបទ, អ្នកដាក់Captionមកសុទ្ធតែគេចង់បាន, ខ្លួនជិះឡានតម្លៃ៧ម៉ឺនដុល្លារ រឿងអីអត់លុយ៤០ដុល្លារ ចាក់សាំង មុនឹងស៊ែរគេចេះយកខួរក្បាលមកគិតផង។

បន្ថែមលើនេះ ស្ត្រីជាម្ចាស់រថយន្តខាងលើ បានផ្ដល់បទសម្ភាសន៍ដល់សារព័ត៌មានតារាញូស៍ ហើយរៀបរាប់ថា «ថ្ងៃ ដែលខ្ញុំចូលចាក់សាំងហ្នឹង គឺខ្ញុំចូលចាក់សាំង បន្ទាប់មកទៀត ខ្ញុំចាក់សាំងបណ្តើរ ខ្ញុំជាប់និយាយទូរសព្ទបណ្តើរ នៅពេលដែលខ្ញុំបញ្ឆេះឡាន គឺខ្ញុំបាននិយាយទូរសព្ទជាមួយ កូនចៅរបស់ខ្ញុំនៅកន្លែងអ៊ីចឹង

ខ្ញុំនិយាយជាមួយគាត់បណ្តើរ ព្រោះទូរស័ព្ទរបស់ខ្ញុំមានពីរគ្រឿង ខ្ញុំនិយាយជាមួយគាត់ហ្នឹងគឺ ខ្ញុំ connect ជាមួយ Bluetooth ឡាន ទី១ ហើយទី២ អាទូរស័ព្ទមួយទៀត គឺខ្ញុំបានចុច ដោយសារពេលហ្នឹង គឺខ្ញុំត្រូវរៀបអីវ៉ាន់ដាក់ឲ្យម៉ូយ ខ្ញុំត្រូវឆាតទៅកូនចៅខ្ញុំថាដាក់អីវ៉ាន់ទៅខាងណាៗ ចំនួនប៉ុន្មានកេះៗ ដាក់ទីតំាងណា លេខទូរស័ព្ទណាអ៊ីចឹង ហើយខ្ញុំក៏បានភ្លេចឲ្យលុយគេមែន ដោយសារតែរាល់ដងគឺខ្ញុំអត់ដែលចាក់សាំងគឺ PAY លុយទេ គឺខ្ញុំ PAY តាម ABA

សូមបងប្អូនមហាជនទំាងអស់កុំ តែតែ ស្ករស្ករពេក ខ្ញុំសួរបងប្អូនថាអ៊ីចេះ ខ្ញុំមានលុយទិញឡានជិះប៉ុណ្ណឹង តម្លៃប៉ុណ្ណឹង មុខមាត់ខ្ញុំប៉ុណ្ណឹង តើខ្ញុំទៅលក់មុខខ្ញុំត្រឹមតែលុយ 40 $ ហ្នឹងមែន ខ្ញុំមិនភ្លើដល់ថ្នាក់ខ្ញុំមិនដឹងថា ហ្គារ៉ាសសំាងមួយៗគេមិនមាន កាមេរ៉ាដែរ ប្រហែលកន្លែងខ្ញុំរកស៊ីតូចមួយក៏ខ្ញុំមានកាមេរ៉ាដែរ…»៕



Related posts

Leave a Comment