នៅតែស្អាតដូចដើម! វ៉ាន់ នីឡា បង្អួត​សម្រស់​ ពេល​ពពោះ​បាន​ជាង​៦​ខែ ស្អាត​ឡើង​ខ្ញង់​ រហូត​ហ្វេនៗ​សរសើរ​ថា…

តារា​កំប្លែង​ វ៉ាន់ នី​ឡា បាន​ចូល​រោងការ​បញ្ចប់​ភាព​នៅ​លីវ ជាមួយ​កូនកំលោះ ស៊ុត សក្ការៈ កាលពី​ថ្ងៃទី​១៩ ខែ​មីនា ឆ្នាំ​២០២២ ហើយ​គិត​មកដល់ពេលនេះ ទើប​តែ​មាន​រយៈពេល​ប្រមាណ​ជិត​៣​ខែ​ហើយ។

ពិធី​មង្គលការ​របស់​ពួកគេ ធ្វើឡើង សណ្ឋាគារ​សុខា ក្រុងភ្នំពេញ ក្រោម​ការចូលរួម​ពី​សមាជិកគ្រួសារ ព្រមទាំង​ភ្ញៀវកិត្តិយស ក៏ដូចជា​មិត្ត​ក្នុង​រង្វង់​សិល្បៈ​យ៉ាង​កុះករ ជាពិសេស​វត្តមាន​រប​ស់លោក​ជំទាវ ហ៊ុន ស៊ី​ណាត ដឹក​ដៃ​កូនក្រមុំ កំលោះ​នោះ​។​

ក្រោយ​រៀបការ បាន​រយៈពេល​ប្រមាណ​១​ខែ ស្រាប់តែ​តារា​កំប្លែង​ស្ថិត​ក្នុង​ក្រុម​នាយ​ពែ​កមី រូបនេះ បាន​ប្រកាស​ដំណឹង​ល្អ មាន​ទម្ងន់​រយៈពេល​១៧​សប្ដាហ៍ នៅ​លើ​គណនី​អ៊ី​ន​ស្ដា​ក្រាម​របស់ខ្លួន កាលពី​ថ្ងៃទី​២០ ខែមេសា ឆ្នាំ​២០២២​ថា «mommy17week»។

មកដល់ពេលនេះ វ៉ាន់ នីឡា បានត្រៀមបន្ទប់សម្រាប់សម្រាលរួចរាល់អស់ហើយ។ ជាក់ស្ដែង ថ្មីៗនេះ​ ស្វាមី​របស់​តារា​កំប្លែង​វ៉ាន់ នី​ឡា ​បានបង្ហាញ​បន្ទប់​ត្រៀម​សម្រាលកូន​របស់​ខ្លួន​នៅ មន្ទីរ​ពហុ​ព្យាបាល ចិ​ត្រា និង សម្ភព ហ្ស៊ូ​លី (Chetra Polyclinic & Julie Maternity) ដោយ​ដាក់​Caption​ថា «​ជួបគ្នា​ឆាប់ៗ​កូនស្រី»។

ក្រោយ​បង្ហោះ​រួច ​មាន​អ្នក​សួរនាំ​ពី​តម្លៃ​សម្រាក​ព្យាបាល​នោះ​ទីនោះ ហើយ​ត្រូវប្ដី​វ៉ាន់ នី​ឡា ប្រើប្រាស់​គណនី​ទីក​តុ​ក​ឈ្មោះ​Batt Ko បាន​បញ្ជាក់​ថា ៣៧០០​ដុល្លារ​។ ចំពោះ​អ្នកគាំទ្រ​មួយចំនួនទៀត ចង់​ដឹង​ពី​ថ្ងៃ​គ្រប់​ខែ​នោះ​ ​ប្ដី​វ៉ាន់ នី​ឡា បញ្ជាក់​ថា ខែ​៩។

តាមរយៈនេះ អ្នកលេងបណ្ដាញសង្គម មានការចាប់អារម្មណ៍ខ្លាំងណាស់ ហើយថ្មីៗនេះ ក៏មានការចាប់អារម្មណ៍ទៅលើរឿងមួយទៀតរបស់វ៉ាន់ នីឡា ដោយនាងបង្ហោះរូបថត ជាមួយនឹងការទម្លាយពីភាពចៃដន្យថា «​បងថ្លៃ​ក៏​ពោះ​ធំ ប្អូនថ្លៃ​ក៏​ពោះ​ធំ កា​ម៉ី​ប្អូន​ខ្ញុំ​ក៏​ពោះ​ធំ ម៉ាក់​ប៉ា​ថា អត់​ដឹងរ​ត់​ទៅ​មើល​មួយណា​បើ​មក​ម្ដង​ទាំងបី​ចឹ​ង សំខាន់​កើត​ក្នុង​ខែ​តែមួយ​ទៀត​»។

ដោយឡែកនៅថ្ងៃទី១៥ ខែមិថុនា ឆ្នាំ២០២២ វ៉ាន់ នីឡា បានបង្ហោះរូបថតខ្លួនកំពុងពពោះជាច្រើនសន្លឹកមើលទៅស្អាតឡើង​ខ្ញង់ អមដោយCaptionបញ្ជាក់ថា «26weekspregnant»។ ដោយឃើញរូបថតទាំងនេះ អ្នកលេង បណ្ដាញសង្គមហ្វេសប៊ុក លើកសរសើរថា «Wow Model ឈុតសម្រាប់ស្រ្តី​គភ៌, នៅតែស្អាតចៅ, ស្អាតដូចដើមអូន»៕​​

Related posts

Leave a Comment