ចូលរួមសោកស្ដាយ! ប្អូន​ជីទួត​មួយ ខេមរៈ សិរីមន្ត ត្រូវ​ចាក​ចេញពី​កម្មវិធី​Cambodian Idol ទាំង​ទឹកភ្នែក ហើយ​បាន​ត្រឹម​ពោល​ពាក្យ​ថា​…(​មាន​វីដេអូ​)

កាលពី​យប់​ថ្ងៃ​ទី​២៩ ខែ​ឧសភា ឆ្នាំ​២០២២​កន្លង​ទៅនេះ បេ​ក្ខ​នារី​ឈ្មោះ អ៊ិត សុភា​ឧស្សាហ៍ ហៅ អ៊ិត ជូ​លី​ណា អាយុ​១៨​ឆ្នាំ មកពី​ខេត្តកំពង់ចាម បានបង្ហាញ​សមត្ថភាព​នៅ​ចំពោះមុខ​គណៈកម្មការ ក្នុង​កម្មវិធី​Cambodian Idol ក្នុង​វគ្គ​Jugde Audition ដោយ​ទទួលបាន​«Yes»​ចំនួន​៤ អាចឈាន​ដល់​វគ្គ​បន្ត​។​

នៅក្នុង​វគ្គ​Judge Audition​ទាំង សប្ដាហ៍​ទី​៦ ចម្រាញ់​បាន​បេក្ខជន បេ​ក្ខ​នារី​សរុប​ចំនួន​១២៩​រូប ក្នុងនោះ​សប្ដាហ៍​ទី​១ បាន​បេក្ខជន​១៨​រូប​, សប្ដាហ៍​ទី​២ ចំនួន​២១​រូប​, សប្ដាហ៍​ទី​៣ ចំនួន​២៣​រូប​, សប្ដាហ៍​ទី​៤ បាន​២៣​រូប​, សប្ដាហ៍​ទី​៥ ចំនួន​២៣​រូប​, សប្ដាហ៍​ទី​៦ ចម្រាញ់​បាន​ចំនួន​២១​នាក់​។​

ទោះ​យ៉ាងណា នៅ​យប់​ថ្ងៃ​ទី​១៩ ខែ​មិថុនា ឆ្នាំ​២០២២​នេះ ​បេក្ខជន​ទាំង​១២៩​រូប​ បេក្ខជនមួយចំនួន ត្រូវ​ឆ្លង​កាត់ នៅក្នុងវគ្គ Judge Cut Down​ម្ដង​ទៀត​ ​​​ដោយ​គណៈកម្មការ ​តម្រូវ​ឲ្យ​​​ពួកគេ​ម្ដង​៥​នាក់ ​ច្រៀង​គោក​ម្ដង​ម្នាក់​​​ ​មុន​នឹង​សម្រេច​ថា​ អ្នក​ណាខ្លះ ​ធ្លាក់​ទៅ​ផ្ទះ​វិញ ឬ​ជាប់​​​​ឈាន​ទៅកាន់​វគ្គ Theater Round ជុំ​ទី​1​នោះ។

ក្នុងចំណោម​បេក្ខជន បេ​ក្ខ​នារី ទី​១២៩​នោះ កញ្ញា អ៊ិត ជូ​លី​ណា ដែល​ត្រូវជា​ប្អូនជីទួតមួយ កំពូល​តារាចម្រៀង ខេមរៈ សិរីមន្ត ​ត្រូវ​ធ្លាក់ ​មិន​អា​​​ឈាន​ទៅ​វគ្គ​បន្ត​នោះទេ ធ្វើ​ឲ្យ​រូប​នាង​សោកស្ដាយ និង​យំសោក​ជាខ្លាំង​នៅ​ចំពោះមុខ​គណៈកម្មការ​។​


​ចំពោះ​បរាជ័យ​នេះដែរ អ៊ិត ជូ​លី​ណា បាន​បង្ហោះ​សារ​យ៉ាង​ក្ដុកក្ដួល​ថា «​ជូ​លី​ណា​ធ្លាក់​ហើយ ជាដំបូង​សូម​អរគុណ​បងៗ ដែល​ចូលចិត្ត សំឡេង​ជូ​លី​ណា ទាំង​អស់គ្នា ហើយក៏​សូមទោស​បងៗ ដែល​គាំទ្រ ពេលនេះ ជូ​លី​ណា ត្រូវ​ចាក​ចេញពី កម្មវិធី​ហើយ

នាង​ខ្ញុំ​ពិត​សោកស្តាយ​ដែល ជូ​លី​ណា មិនទាន់បាន​បញ្ចេញ សមត្ថភាព អោយ​បងៗ ទស្សនា ឬ មិនបាន​ទៅ​វគ្គ Theater round ក្តី​ក៏​ជូ​លី​ណា សប្បាយចិត្ត ដែល​បាន​បង្ហាញមុខ​អោយ​បងៗ​ទាំងអស់គ្នា​ស្គាល់ ជូ​លី​ណា​។ ជូ​លី​ណា មាន​ថ្ងៃនេះ​គឺ​បានមកពី​បងៗ​ទាំងអស់គ្នា ចូលចិត្ត សង្ឃឹមថា បងៗ​មិន​ភ្លេច​ជូ​លី​ណា​។ ស្រលាញ់​បងៗ​ទាំងអស់គ្នា​»​។​

​បន្ថែម​លើ​នេះ ជូ​លី​ណា បានបញ្ជាក់​ទៀតថា «​ខ្ញុំ​បាន​ចាក​ចេញពី កម្មវិធី Cambodian Idol ហើយ​។​ទោះ​មិនបាន​បញ្ចេញ​សមត្ថភាព​នៅ​កម្មវិធី​ប្រលង ទៀត ក៏​នាង​ខ្ញុំ​មាន​កាដូ​សម្រាប់​បងៗ ទាំងអស់គ្នា ដែល​ចូលចិត្ត និង​គាំទ្រ​សំឡេង​ អ៊ិត ជូ​លី​ណា​។ ជួបគ្នា​ស្អែក​ម៉ោង ៨​ព្រឹក​»៕


Related posts

Leave a Comment