លាក់លែងជិត! ពូ​ចក់​ ត្អូញ​រឿង​មុន​ការ ​ជីវិត​មាន​អ្វី​គ្រប់​យ៉ាង, អ្នក​នាង ផល្លា ទម្លាយ​រឿង​ថ្លៃ​បណ្ដាការ​១១​ម៉ឺន​ដុល្លារ​ថា…(មាន​វីដេអូ)

យើង​ដឹង​ហើយ​ថា មុន​ពេល​រៀបការ​ជាមួយ​គ្នានោះ Admin ជីងចក់ និងភរិយា សុទ្ធតែ​ធ្លាប់បានបញ្ជាក់រួចហើយ ពី​មូលហេតុ​នៃ​ការ​យកគ្នាជា​គូអនាគត​រៀងៗខ្លួន ក្នុង​នោះ​អ្នក​នាង ផល្លា ក៏​បាននិយាយពីប្រវត្តិស្នេហារបស់ពួកគេផងដែរ។

ក្រោយសម្រេចចិត្តដើរផ្លូវជាមួយគ្នា និងស្វែងយល់ចិត្តគ្នាហើយនោះ ពួកគេ បាន​ចូល​រោងការ បញ្ចប់​ភាព​នៅ​លីវ កាលពី​ថ្ងៃ​ទី​១១ ខែ​វិច្ឆិកា ឆ្នាំ​២០២១នៅ​គេហដ្ឋាន​លេខ​18-19 H បុរី ឃិត ឈឿន ភូមិ​ចំការ​ឪឡឹក សង្កាត់​កា​កាប ខណ្ឌ​ពោធិ៍​សែន​ជ័យ រាជធានី​ភ្នំពេញ។

នៅ​ក្នុង​ថ្ងៃ​មង្គលការ​នោះ មានការ​ចាប់អារម្មណ៍​ទៅលើ អ្នក​អត្ថាធិប្បាយ​បាល់ទាត់​តាម​បណ្ដាញ​សង្គម​ដ៏​ល្បី​រូប​នេះ ត្រង់​ថា សូម្បីតែ​ស្បែកជើង ក៏​លោក​ពាក់​ម៉ាក Jorden ដែរ ដោយ​មើល​ទៅ​សក្ដិសម​ទៅ​នឹង​អ្វី ដែល​លោក​ហៅ​ខ្លួនឯង​ថា ជា​អភិជន​នោះ​ខ្លាំង​ណាស់។

លើស​ពី​នេះ​ទៅទៀត គ្រាន់តែ​ថ្លៃ​បណ្ដាការ ដែល​ភរិយា​លោក​ទទួល​បាន​រហូតដល់​ទៅ​១១​ម៉ឺន​ដុល្លារ​ឯណោះ ពិតជា​ថ្លៃ​ខ្លាំង​ណាស់ ធ្វើ​ឲ្យ​គ្រប់គ្នា​ព្រឺរោម​តែម្ដង​។ នេះ​មិនទាន់​រាប់បញ្ចូល​ចិញ្ចៀន​ពេជ្រ​របស់​ពួកគេ​ទាំង​២​នាក់​ផង​។​

នៅក្នុង​ការ​ឡាយ កាលពី​រសៀល​ថ្ងៃទី​១២ ខែវិច្ឆិកា ឆ្នាំ​២០២១​ នៅពេល​មានការ​សួរនាំ​ពី​តម្លៃ​ចិញ្ចៀន​ពេជ្រ​នោះ អ្នកនាង ផល្លា ភរិយា Admin ជីក​ចក់ បាន​បញ្ជាក់​ច្បាស់ៗ​ថា ចិញ្ចៀន​ពេជ្រ​របស់​ខ្លួន​មាន​ទំហំ​១២​លី តម្លៃ​៨​ម៉ឺន ៨​ពាន់​ដុល្លារ​។​

ចំពោះ​ចិញ្ចៀន​ពេជ្រ​ស្វាមី​របស់ខ្លួន​វិញ ធ្វើ​អស់​តែ​តម្លៃ​ជាង​១​ម៉ឺន​ដុល្លារ​ទេ​។ តាម​ការ​អះអាង​ខាងលើនេះ បើ​យើង សរុប​ថ្លៃ​បណ្ដាការ និង​ចិញ្ចៀន​ពេជ្រ​របស់​ពួកគេ​ទាំង​២​នាក់​នោះ ឃើញ​ថា លើស​ពី​២០​ម៉ឺន​ដុល្លារ​បាត់​ទៅហើយ។

ក្រោយ​រៀប​ការ អ្វី ដែល​ធ្វើឲ្យ​អ្នក​គាំទ្រ​ចាប់អារម្មណ៍​ថែម​មួយ​កម្រិត​ទៀត​នោះ ត្រង់​ថា នៅថ្ងៃទី១២ ខែ​វិច្ឆិកា ភរិយា អេដមីន​ជីង​ចក់ បាន​មក​ពញ្ញាក់​អារម្មណ៍​លោក​មួយ​ទំហឹង​តែ​ម្តង​ ដោយ​ទិញ​រថយន្ត​ម៉ាក Jeep Gladiator Unlimited Rubicon សេរ៊ី​ថ្មី​ពណ៌​ខ្មៅ​មួយ​គ្រឿង ជូន​លោក ដោយ​តាមដឹង មានតម្លៃក្បែរ១០ម៉ឺនដុល្លារឯណោះ។

ទោះយ៉ាងណា​ពេលនេះ ពួកគេ កំពុងតែ​មានរឿង​ក្ដីក្ដាំ​ជាមួយគ្នា ហើយ​ពេល​រឿងរ៉ាវ​មិនទាន់​បញ្ចប់​នោះ អេ​ដ​មីន ជីងចក់ បាន​បង្ហោះ​រូបថត​១​ឡាន​២​គ្រឿង ដែល​លក់​យក​លុយ​ដណ្ដឹងប្រពន្ធ ភ្ជាប់​ជាមួយ​Caption​លើក​ជា​សំណួរ​ថា «​ជីវិត​មុន​រៀបការ​មាន​អ្វី​គ្រប់យ៉ាង​! រៀបការ​ហើយ​អស់​អ្វី​គ្រប់យ៉ាង​! ហេតុ​អី​ក្មួយ​ៗ ចូរ​បកស្រាយ?»។ បន្ថែម​លើ​នេះ ពូ​ចក់ បញ្ជាក់​ក្នុង​ខំ​មិន​ថា «​បង​មាន​គ្រាប់​យ៉ាង​ហើយ តែ​សម្រាប់​អូន No»។

ដោយឡែក នៅក្នុង​ការ​ឡាយ​បកស្រាយ​នៅ​ថ្ងៃទី​២៧ ខែមិថុនា នេះ អ្នកនាង ផល្លា ក៏បាន​ឆ្លៀត​និយាយ​បណ្ដាការ និង​ឡាន​នេះ​ផង​ដែរ ដោយ​អ្នកនាង លើកឡើង​ថា ​ ពូចក់​លក់​ឡាន​ដើម្បី​យក​មក​ឲ្យ​បណ្ដាការ ដល់​អត់​មានអី​ជិះ អ្នកនាង​ក៏​យក​លុយ​បណ្ដាការ​នេះ ទៅ​ទិញ​ឡាន Jeep ឲ្យ​គាត់​ជិះ​វិញ។​

ថៅកែ​អន​ឡាញ​រូប​នេះ បន្ត​ថា ឡាន​Jeep​នោះ ដាក់​ឈ្មោះ​របស់​អ្នកនាង ហើយ​នៅ​ពេល​នោះ ដោយសារតែ​គាត់​ថា​អត់​ចេះ​ជិះ​ឡាន​ជាមួយ​អ្នកនាង ទើប​អ្នកនាង​ទិញ​ឡាន​នេះ​ឲ្យ ឥឡូវ​ម៉ោង​នេះ ពេលនេះ គាត់​មក​និយាយ​ជាមួយ​អ្នកនាង​ថា សុំ​បញ្ចប់​រឿង​ត្រឹមហ្នឹង ប៉ុន្តែ​គាត់​សុំ​តែ​ឡាន​១​ហ្នឹង​ទៅវិញ​៕ ​


Related posts

Leave a Comment