ឡូយណាស់! ក្រោយ​ឡើង​ឧកញ៉ា​, កំពូល​តារា​ចម្រៀង ​ព្រាប សុវត្ថិ ​សម្រេច​ទិញ​ឡាន​​​​Rolls-Royce ​ រួច​បញ្ជាក់​ថា…(មានវីដេអូ)

លោក ព្រាប សុវត្ថិ បច្ចុប្បន្ន ជា​តារា​ចម្រៀង​ប្រចាំ​ក្នុង​ផលិតកម្ម​Galaxy Navatra ដែល​បាន​ក្លាយ​ជា​អ្នកចម្រៀង​បុរស​លំដាប់​លេខ​មួយ​ប្រចាំ​ប្រទេស​អស់​រយៈពេល​ជិត​៣​ទសវត្ស​មក​ហើយ ដោយ​មិន​ទាន់​មាន​តារា​ប្រុស​រូប​ណា អាច​បំបែក​កំណត់ត្រា​នេះ ​បាន​នៅ​ឡើយ​ទេ។


កាលពី​ថ្ងៃទី២៩ ខែ​មេសា ឆ្នាំ២០២២កន្លងទៅនេះ កំពូលតារាចម្រៀង ព្រាប សុវត្ថិ ត្រូវ​បាន​ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ចេញ​ព្រះរាជក្រឹត្យ​ត្រាស់បង្គាប់​ផ្តល់គោរមងារ​ជា​ឧកញ៉ា។

ក្រោយពេលលោកឡើងងារជាអ្នកឧកញ៉ានោះ នៅក្នុងឱកាស​សន្និសីទ​សារព័ត៌មាន​ក្នុងពិធីសម្ពោធ​គម្រោង​ដីឡូតិ៍លំនៅឋាន​ទី២របស់ខ្លួន ស្ថិតនៅ ភូមិធំ សង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ លោកឧកញ៉ា ព្រាប សុវត្ថិ បាន​ប្រកាស​ពី​ជំហរ​​​ថា លោកនៅតែ​បន្ត​អាជីព​ចម្រៀងដដែល ព្រោះអាជីពនេះ​ ទើបលោកអាច​ឈានជើងមកដល់ពេលនេះ។


ស្របពេលកំពុងមានជំនួញជាច្រើនក្នុងដៃ ហើយមានងារជា​ឧកញ៉ា​ទៀតនោះ ស្រាប់តែ កាលពី​ថ្ងៃទី​២៨ ខែមិថុនា ឆ្នាំ​២០២២​ កំពូលតារាចម្រៀងរូបនេះ បានសម្រេចទិញរថយន្ត Rolls-Royce Phantom Coupe រួចភ្ជាប់សារខ្លីៗជាបន្តបន្ទាប់ថា «និស្ស័យ, អារម្មណ៍ស្រស់ស្រាយ, សមាជិកថ្មី ហេងៗ»។

បន្ថែមលើនេះ នៅក្នុង វីដេអូ story ដែលកូនប្រុសច្បងលោកបានបង្ហោះ ក៏សរសេរអក្សរមួយឃ្លាបញ្ជាក់ដែរថា «Say hello to Royce phantom coupe congratulations to my father» ដែលមានន័យជាភាសាខ្មែរថា «សូមស្វាគមន៍ ឡានទំនើប Rolls-Royce Phantom Coupe និងសូមអបអរសាទរ ប៉ាៗរបស់ខ្ញុំ»៕


Related posts

Leave a Comment