លើកទី១ ដែល​បាន​ឃើញ​តន់ ចន្ទសីម៉ា​ ច្រៀង​យីកេ​ជាមួយ​ម្ដាយ​​ រហូត​អ្នក​ស្ដាប់​ទប់​ចិត្ត​មិន​ជាប់ ​ក៏​និយាយ​ថា…​(មា​នវីដេអូ)

លោកអ្នក បាន​ជ្រាបរួចមកហើយថា តារាចម្រៀងតន់ ចន្ទសីម៉ា​ ជា​អតីត​ជា​សិស្ស​ជយលាភី​ស្មូត​កំណាព្យ​លេខ​១​ប្រចាំ ខេត្តតាកែវ ហើយ​មាន​និស្ស័យ​សិល្បៈ​ទាំងពី​កំណើត ដោយ​នាង​មាន​ឪពុក​ជា​មន្ត្រីរាជការ ម្ដាយ​ជា​ស្ត្រី​មេផ្ទះ។


ពេល​ឈាន​ជើងចូលមកកាន់ទីក្រុងភ្នំពេញដំបូង តន់ ចន្ទសីម៉ា មានតែម្នាក់ឯង គ្មាន​គ្រួសារ សាច់ញាតិ​អ្វី ដែល​អាច​ពឹងពាក់​បានឡើយ​។ ដូច្នេះហើយ រឿង​ ដែលនាង​ត្រូវធ្វើពេលនោះ គឺ​ត្រូវ​ខំ​រស់​ដោយ​ខ្លួនឯង ព្រោះ​ស្ថានភាព​គ្រួសារ​របស់​នាង ក៏​មិនជា​ធូរធារ​ដែរ។

ទោះយ៉ាងណានៅពេលនោះ ដោយសំអាង​លើ​ទេពកោសល្យ​សិល្បៈ​ចម្រៀង​របស់​នាង នាង​ក៏​ចេញ​រក​ការងារ​ធ្វើ ហើយ​ជា​ភ័ព្វ​ល្អ នៅ​ខ្ទង់​ពាក់កណ្ដាល​ឆ្នាំ ២០១៧ នាង​ត្រូវបាន​ថៅកែ​ហាង​មួយ ព្រម​ទទួលយក​នាង​ធ្វើជា​តារា​ចម្រៀង​ក្នុង​ហាង​របស់ខ្លួន ហើយ​ពេលនោះ ជីវិត​តស៊ូ ជា​អ្នករៀន​ផង ធ្វើការ​ផង ក៏បាន​ចាប់ផ្ដើម​ឡើង។

ក្រោយពី​ច្រៀង នៅក្នុង​ហាង ​បាន​មួយរយៈ​ធំ នាង​ក៏បាន​ឈប់​វិញ ហើយក៏​បានដាក់​ពាក្យ​ប្រឡង​ក្នុង​កម្មវិធី​ប្រឡង​ចម្រៀង​លំដាប់ថ្នាក់​ពិភពលោក​The Voice Cambodia​រដូវ​កាល​ទី​២ ដោយ​ចូលរួម​ប្រឡង​ក្នុង​អំឡុង​ឆ្នាំ​២០១៦ ហើយ​គិត​មក​ទល់នឹង​ពេលនេះ មាន​រយៈពេល​ប្រមាណ៦​ឆ្នាំ​ហើយ។


នៅក្នុង​កម្មវិធី​នេះ ​នាង​បាន​ឆ្លងកាត់​វគ្គ​ជម្រុះ​ដំបូង រហូតដល់​វគ្គ​Live Show​ទៀត​ផង ប៉ុន្តែ​នាង​ត្រូវបាន​ធ្លាក់​ក្នុង​វគ្គ​Live Show សប្ដាហ៍​ទី​៣ ក្រោយពី​អ្នកនាង​ឱក សុគន្ធ​កញ្ញា បានសម្រេច​ចិត្ត​ជ្រើស​រើស​យក​ថែ​ល ​ថៃ ឲ្យ​ឡើង​ទៅ​កាន់​វគ្គ​Live Show សប្ដាហ៍​ទី​៤​នោះ​។​

ទោះមិនបានជោគជ័យក្នុងការប្រឡងចម្រៀងនេះក៏ពិតមែន តែរហូត​មក​ដល់​ពេល​នេះ តន់ ចន្ទ​សី​ម៉ា បាន​ក្លាយជា​គ្រាប់ពេជ្រ​ដ៏​មានតម្លៃ​របស់​ផលិតកម្ម​Galaxy Navatra ហើយ​ភាពល្បីល្បាញ​របស់​នាង​មិន​ចាញ់​ម្ចាស់​ពាន​ក្នុង​កម្មវិធី​លំដាប់ថ្នាក់​ពិភពលោក​មួយ​នេះ​ឡើយ។

តាមប្រវត្តិខាងលើឃើញថា ម្ដាយរបស់តារាចម្រៀង តន់ ចន្ទសីម៉ា ជាស្ត្រីមេផ្ទះប៉ុណ្ណោះ ហើយគេក៏មិនឃើញអ្នកស្រីបង្ហាញសមត្ថភាពច្រៀងនោះដែរ។ តែកាលពីថ្ងៃទី២៩ ខែមិថុនា អ្នកគាំទ្រ តារាចម្រៀង តន់ ចន្ទសីម៉ា មានការចាប់អារម្មណ៍ខ្លាំងណាស់ ខណៈពេលម្តាយរបស់នាង កំពុងតែមកលេងខ្លួន នៅភ្នំពេញ ស្រាប់តែ សីម៉ា បានអញ្ជើញម្តាយមកច្រៀងយីកេ រួមគ្នានោះ។

បង្ហោះភ្ជាប់ជាមួយវីដេអូ ច្រៀងរួមគ្នាជាមួយអ្នកម្ដាយ រយៈពេលជាង២នាទី តារាចម្រៀង តន់ ចន្ទសីម៉ា បានដាក់Captionថា «កម្របានច្រៀង ជាមួយIdol ក្នុងបេះដូងណាស់ ថ្ងៃនេះ មានកិត្តិយស បានច្រៀងជាមួយអ្នកម៉ែ ផ្ញើជូនបងប្អូនមុនចូលគេង»។ ក្រោយស្ដាប់ការច្រៀងរបស់ម្ដាយ តន់ ចន្ទសីម៉ា រួចមក អ្នកគាំទ្រ លាន់មាត់សរសើរស្ទើរគ្រប់គ្នាថា ពិតជាពីរោះខ្លាំងណាស់៕ សូមទស្សនាវីដេអូ ខាងក្រោម ៖


Related posts

Leave a Comment