មុខដូចកូនកាត់! ស្ងាត់​ៗ សៀវឡុនី សម្រាល​កូន​បាត់, ទ្រី ដាណា ដឹង​ភ្លាម ជួយ​ថវិកា​រហូត​ដល់​ទៅ…(មានវីដេអូ)

គេ​នៅ​ចាំ​បាន​ថា កាល​នៅ​ត្រូវ​គ្នា​ជាមួយ​ពូ​ម៉ៅ​នោះ ថៅកែ​ហាង​ពេជ្រ​ចិត្តធម៌ អ្នកស្រី ទ្រី ដា​ណា បាន​​ធ្វើ​ដំណើរ​ទៅកាន់​ខេត្ត​សៀមរាប ហើយ​ជួប​ស្ត្រី​ម្នាក់ ដែល​ល្បីល្បាញ​តាម​បណ្ដាញ​សង្គម ឈ្មោះ​សៀវ​ឡុង​នី។ នៅ​ពេលនោះ ដោយ​ឃើញ​ស្ត្រី​ខាងលើ មាន​ជីវភាព​លំបាក​ រ៉ាប់រង​ចិញ្ចឹម​កូន​៤​នាក់​ម្នាក់ឯង ព្រោះ​បែក​ពី​ប្ដី​នោះ​ អ្នកស្រី​ក៏បាន​សន្យា​ថា នឹង​សាង​សង់ផ្ទះ​តូច​ល្មម​ជូន​គាត់។


បង្ហោះ​ភ្ជាប់​ជាមួយ​រូបថត​ជាច្រើន​សន្លឹក កាលពី​ថ្ងៃ​ទី​១២ ខែកក្កដា ឆ្នាំ២០២០ អ្នកស្រី ទ្រី ដា​ណា បាន​សរសេរ​រៀបរាប់​ថា «​ចៃដន្យ​ណាស់ មក​ព្រះអង្គ​ចេក ព្រះអង្គ​ចម ស្រាប់តែ​ឮ​សំឡេង​គាត់​ហៅ idol ហើយ​លួ,ច​ថត​ទៀត​ បងប្អូន​ស្គាល់​គាត់​ទេ គាត់​ហ្នឹងហើយ ល្បី​ថា​សៀវ ឡុង​នី​ខ្មែរ ចូលចិត្ត​ធ្វើ​ឱ្យគេ​សើច​នៅ​សៀមរាប​នោះ តាមពិត ជីវិត​គាត់​កម្សត់​ណាស់ មិនមែន​សប្បាយ​ដូច​នៅ​ក្រៅ​ចឹ​ង​ទេ គាត់​ធ្វើ​ចឹ​ង ព្រោះ​ចង់​លក់​ការ៉េម​ដាច់ គាត់​និង​ប្ដី​បែក​គ្នា ហើយ​ឥឡូវ​គាត់​ចិញ្ចឹម​កូន ៤​នាក់ និង​ម្ដាយ គ្មាន​កន្លែង​នៅ​ស្រួល​ទេ​។

គាត់​រួសរាយ​ណាស់ មក​ជិត​ខ្ញុំ សើច​ដាក់​ខ្ញុំ ខ្ញុំ​ក៏​សួរនាំ​ជីវិត​គាត់ ហើយ​គាត់​ថា ​ចង់​បានកូន​ផ្ទះ​ល្មម​មួយ​នៅ​ជាមួយ​កូនៗ និង​ម៉ែ​គាត់​។ អាណិត​គាត់ ខំប្រឹង ហើយក៏​ឃើញ​គាត់​តាម tiktok ច្រើន​ដែរ​។ ខ្ញុំ​នឹង​សង់ផ្ទះ​ល្មម​មួយ​ឱ្យ​គាត់ ឃើញ​គាត់​រំភើបចិត្ត ខ្ញុំ​នេះ​ក៏​សប្បាយ​ដែរ​។ ខ្ញុំ​ចូលចិត្ត​អ្នកតស៊ូ​ណាស់ ដូច​គាត់​ចឹ​ង គឺ​ចង់​ជួយ​មែនទែន​»​។​


តាំងពី​សន្យា រហូតមកដល់​ពេលនេះ មាន​រយៈពេល​ជិត​២​ឆ្នាំ​ហើយ ​គេ​ឃើញថា សៀវឡុងនី​នៅតែ​រស់នៅ​ផ្ទះ​ពីមុន​ដដែល ព្រោះតែ​អាជ្ញាធរ​អប្យរា មិន​ទាន់​អញ្ញាត​ឲ្យ​សាងសង់​​ ពេល​អនុញ្ញាត​ពេលណា អ្នកស្រី ទ្រី ដាណា នឹង​ឲ្យ​ក្រុម​ការងារ​ទៅ​សាងសង់​ជូនភ្លាម​តាមការសន្យានោះ។

មកដល់ពេលនេះ សៀវឡុងនី មានប្ដីថ្មី ហើយក៏មានដំណក់ឈាមរួមគ្នាដែរ។ លើសពីនេះ កូនប្រុសរបស់នាង បានឃើញភ្លឺថ្ងៃហើយ ហើយពេលដឹងដំណឹងនេះភ្លាម មិនចាំយូរ អ្នកស្រី ទ្រី ដាណា ថៅកែហាងពេជ្រចិត្តធម៌ បានចូលរួម​អបអរសាទរ​ភ្លែត​តែម្ដង។

បង្ហោះភ្ជាប់ជាមួយរូបថត១សន្លឹករបស់សៀវឡុងនី និងកូន, ថៅកែហាងពេជ្រចិត្តធម៌រូបនេះ បានសម្ដែងការ​អបអរ​ដូច្នេះថា «សូម​អបអរសាទរ​ផង បង សៀវ ឡុងនី ខ្មែរ ទទួល​បានកូនប្រុសម្នាក់ទៀត ជូនពរ​សុខភាពល្អ ទាំងម្ដាយ និងកូន ​ នាងខ្ញុំបានជួយ 1000$ សម្រាប់គាត់ បានសម្រាកនៅមន្ទីរពេទ្យដែរ»។ តាមរយៈនេះ មានការលើកឡើងថា កូនរបស់សៀវ ឡុងនី មុខដូចកូនកាត់អញ្ចឹង៕​


Related posts

Leave a Comment