មិនចាំយូរ! ក្រោយ​ឃើញ​សកម្មភាព​ទាំង​នេះ​, ក្រសួងបរិស្ថាន ហាម​ មិន​ឲ្យ​បេះ​ផ្កា​បំពង់​ក្រ​ឡោម​តទៅ​ទៀត ព្រោះថា​…

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ក្រោយពី​ឃើញ​សកម្មភាព​ស្រីៗ​មួយ​ចំនួន បាន​បេះ​ផ្កា​បំពង់​ក្រ​ឡោម​នោះ​, ក្រសួងបរិស្ថាន នៅ​ថ្ងៃទី​១១ ខែឧសភា ឆ្នាំ​២០២២ តាមរយៈ​ទំព័រ​ហ្វេ​ស​ប៊ុ​ក​ផ្លូវការ​របស់​ខ្លួន បាន​ធ្វើការ​ហាមឃាត់​មិន​ឲ្យ​មានការ​បេះ​ផ្កា​នេះ​តទៅទៀត​ឡើយ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​


បង្ហោះ​ភ្ជាប់​ជាមួយ​រូបថត​ស្រីៗ​បេះ​ផ្កា​ខាងលើនេះ ក្រសួង បានបញ្ជាក់​ដូច្នេះ ៖ «​ឱ​! ផ្កា​បំពង់​ក្រ​ឡោម អ្វីដែល​ពួកគាត់​កំពុង​ធ្វើ​នេះ គឺ​ខុស​ហើយ និង​សូមកុំ​ប្រព្រឹត្ត​ដូច្នេះ​ទៀត​នៅ​ថ្ងៃក្រោយ​! សូម​អរគុណ​ចំពោះ​ការ​ស្រឡាញ់​ធនធានធម្មជាតិ ប៉ុន្តែ​កុំ​បេះ​ដូច្នេះ វា​ទៅជា​បំផ្លាញ​វិញ​ទេ​!»​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

គួរ​បញ្ជាក់​ថា ផ្កា​បំពង់​ក្រ​ឡោម​ជា​ប្រភេទ​ផ្កា ដែលមាន​វត្ត​មាននៅ​តំបន់ភ្នំ​ពពក​វិល វាលស្រែ ៥០០ វាលស្រែ ១០០ នៃ​ឧទ្យាន​ជាតិ​ព្រះមុនីវង្ស «​បូកគោ​» នៅតាម​តំបន់ភ្នំ​នៃ​ភាគ​និរតី​ប្រទេស​កម្ពុជា ដូចជា​នៅតាម​តំបន់​ជួរ​ភ្នំក្រវាញ​ជាដើម ដែនជម្រកសត្វព្រៃ​ភ្នំ​សំ​កុស និង​នៅតាម​តំបន់​ជួរ​ភ្នំក្រវាញ មាន​ដុះ​នៅ​ខេត្តកំពត ខេត្ត​កែប និង​ខេត្ត​ព្រះសីហនុ និង​ឧទ្យាន​ជាតិ​ព្រះ​សុរាម្រិត​កុសុមៈ «​គិរី​រម្យ​» នៃ​ខេត្តកំពង់ស្ពឺ​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​


បច្ចុប្បន្នភាព​ទាក់ទាញ​របស់​ផ្កា​បំពង់​ក្រ​ឡោម បាន​ទាក់ចិត្ត​ភ្ញៀវ​ទេសចរ​បែប​ធម្មជាតិ​មួយចំនួនធំ​ឱ្យទៅ​ទស្សនា​និង​ថតរូប​។ ប៉ុន្តែ​ដោយ​ភាព​ស្រស់ស្អាត​ទាក់ទាញ​របស់​វា ផ្កា​ប្រភេទ​នេះ កំពុង​រង​គំរាមកំហែង​ពី​ទេសចរ​មួយ​ចំនួន​ទៅវិញ ដោយ​ពួកគេ​មិនបាន​គោរព វិធាន​អនាម័យ​បរិស្ថាន ហើយ​ពេលខ្លះ​អ្នកទេសចរ​បាន​បេះ​ផ្កា​ដើម្បី​ថតរូប​បង្ហាញ​ពី​សេចក្តីស្រឡាញ់​របស់​ពួកគេ​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ក្រសួងបរិស្ថាន ធ្លាប់បាន​បញ្ជាក់ថា យោងតាម​ការសិក្សា​រប​ស់​អ្នក​ជំនាញ ផ្កា​បំពង់​ក្រ​ឡោម​, បំពង់​ស្រមោច ឬ​អ្នកខ្លះ​ហៅថា «​ផ្កា​បំពង់​លុក​» ឬ «​ផ្កា​ក្រឡូម​ពារ​» ភាសា​បច្ចេកទេស Pitcher plants (Nepenthes) គឺជា​ពួក​រុក្ខជាតិ​ស៊ីសាច់ ដែល​គេ​បានដឹង​តិចតួច​ណាស់​នៅ​កម្ពុជា​។ គេ​ហៅ​វា​ថា​ជា​រុក្ខជាតិ​ស៊ីសាច់​ព្រោះ​វា​អាច​ចាប់ សម្លាប់ និង​រំលាយ​សត្វ​ដែល​ចូលទៅក្នុង​ទម្រង់​ស្លឹក​ពិសេស​របស់​វា​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

រុក្ខជាតិ​នេះ​មាន​ដុះ​នៅតាម​តំបន់ការពារធម្មជាតិ​នានា នៅ​កម្ពុជា​ហើយ​ទីតាំង​ដែលមាន​ឈ្មោះ​ល្បី​គឺ​ដូចជា​នៅ លើ​ឧទ្យាន​ជាតិ​ព្រះមុនីវង្ស​បូកគោ នៅ​តំបន់​ខ្នង​ផ្សារ ក្នុង​ឧទ្យាន​ជាតិ​ជួរ​ក្រវ៉ា​ញ​កណ្តាល​ជាដើម​។ ផ្កា​បំពង់​ក្រ​ឡោម​ជា ប្រភេទ​រុក្ខជាតិ​ម្យ៉ាង​មាន​រាង​ដូច​បំពង់ ហើយ​ផ្ទុក​សារធាតុ ម្យ៉ាងដែ​លអាច​ទាក់ទាញ​សត្វល្អិត​ឱ្យ​ធ្លាក់ចូល​ទៅក្នុង​បំពង់​របស់​វា ហើយក៏​លង់ទឹក​ក្នុង​បំពង់​នោះ​រហូតដល់​ស្លាប់​។ នៅពេល​សត្វល្អិត​ងាប់​ហើយ​នោះ សរីរាង្គ​ពិសេស​របស់​វា​ក៏​ចាប់ផ្ដើម​បំបែក​រំលាយ​សាកសព​សត្វល្អិត​ទៅជា​សារធាតុចិញ្ចឹម ធ្វើឱ្យ​រុក្ខជាតិ​ប្រភេទ​នេះ​លូតលាស់​បានល្អ​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​


នៅលើ​ពិភពលោក ផ្កា​បំពង់​ក្រ​ឡោម​នេះ​មាន​ដល់​ទៅ ១២៩ ប្រភេទ​ក្នុងនោះ​មាន​ប្រាំ​ប្រភេទ​បាននិងកំពុង​ដុះ​លូតលាស់​នៅ​ប្រទេស​កម្ពុជា​ដែល​រួមមាន​៖ ទី​១៖ Nepenthes bokorensis ជា​ប្រភេទ​ដែលមាន​វត្ត​មាននៅ​តំបន់ភ្នំ​ពពក​វិល វាលស្រែ​៥០០ វាលស្រែ​១០០ នៃ​ឧទ្យាន​ជាតិ​ព្រះមុនីវង្ស «​បូកគោ​»​។ ទី​២៖ Nepenthes holdenii មាន​ដុះ​នៅតាម​តំបន់ភ្នំ​នៃ​ភាគ​និរតី​ប្រទេស​កម្ពុជា ដូចជា​នៅតាម​តំបន់​ជួរ​ភ្នំក្រវាញ​ជាដើម​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ទី​៣៖ Nepenthes kampotiana Lecomte មាន​ដុះ​នៅក្នុង​ខេត្តកំពត ដែនជម្រកសត្វព្រៃ​ភ្នំ​សំ​កុស និង​នៅតាម​តំបន់​ជួរ​ភ្នំក្រវាញ​។ ទី​៤៖ Nepenthes mirabilis (Loureiro) Druce មាន​ដុះ​នៅ​ខេត្តកំពត ខេត្ត​កែប និង​ខេត្ត​ព្រះសីហនុ​។ ទី​៥៖ Nepenthes smilesii Hemsley មាននៅ​ដុះ​ខេត្តកំពត និង​ឧទ្យាន​ជាតិ​ព្រះ​សុរាម្រិត​កុសុមៈ «​គិរី​រម្យ​» នៃ​ខេត្តកំពង់ស្ពឺ​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

បើតាម​ឯកឧត្តម​រដ្ឋលេខាធិកា​រ នេត្រ ភក្ត្រា រាល់​រុក្ខជាតិ​បំពង់​ក្រ​ឡោម​ទាំងអស់នេះ ត្រូវ​បានដាក់​ក្នុង​ឧបសម្ព័ន្ធ​ទី​២ (Appendix II) នៃ​អនុសញ្ញា​ស្តីពី​ពាណិជ្ជកម្ម​អន្តរជាតិ​លើ​ប្រភេទ​សត្វ និង​រុក្ខជាតិ​ព្រៃ​ដែល​កំពុង​រងគ្រោះ (CITES) ដោយ​មិន​អនុញ្ញាត​ឱ្យមាន​ការជួញដូ​រ នោះឡើយ៕​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

Related posts

Leave a Comment